Ադրբեջանական կողմն ապատեղեկատվություն է անվանել ԱՄՆ իշխանությունների կողմից տարածված հայտարարությունը՝ Ալիև-Բլինքեն հեռախոսազրույցի վերաբերյալ

ԱՄՆ պետքարտուղար Էնթոնի Ջ. Բլինքենը հեռախոսազրույց է ունեցել Ադրբեջանի նախագահ Իլհամ Ալիևի հետ։ 

ԱՄՆ Պետդեպարտամենտի պաշտոնական ներկայացուցիչ Նեդ Փրայի տարածած հայտարարության մեջ անդրադարձ է կատարվել նաև ԼՂ հակամարտության կարգավորման ԵԱՀԿ Մինսկի խմբին։ 

«...Քարտուղարը նաև հաստատել է աջակցությունը ԵՄ-ի միջնորդությամբ արդյունավետ քննարկումներին: Նա ասել է, որ Միացյալ Նահանգները ԵԱՀԿ Մինսկի խմբի համանախագահն է 1994 թվականից և պատրաստ է երկկողմ համագործակցության և փոխգործակցության համախոհ գործընկերների հետ, որպեսզի օգնի Հայաստանին և Ադրբեջանին գտնել երկարաժամկետ համապարփակ խաղաղություն»,-նշված է հայտարարության մեջ։ 

Սակայն ադրբեջանական կողմը հերթական անգամ հիստերիա է բարձրացրել ԱՄՆ կողմից տարածած հաղորդագրության վերաբերյալ։ 

Մասնավորապես, ադրբեջանական «Haqqin.az»-ը՝ հղում անելով դիվանագիտական աղբյուրներին, հաղորդում է, որ «ո՛չ մի հիշատակում Մինսկի խմբի մասին Ալիևի և Բլինքենի միջև չի եղել, ինչի հետ կապված աղբյուրը տարակուսանք է հայտնել նման ակներև ապատեղեկատվությունից, անվանելով այն ծայրահեղ անտեղի և անպատասխանատու։ Ո՛չ պրոֆեսիոնալ է և սխալ քննարկել պատմության գիրկն անցած ԵԱՀԿ Մինսկի խմբի ռեանիմացիան», - նշվում է ադրբեջանական կողմի տեղեկատվության մեջ։ 

Zham.am