Ուշադիր եղեք. Կարեն Կարապետյանը` Արտակարգ իրավիճակների նախարարին
Վարչապետ Կարեն Կարապետյանը կառավարության այսօրվա նիստում Արտակարգ իրավիճակների նախարար Դավիթ Տոնոյանին հանձնարարեց պատրաստ լինել հարկ եղած դեպքում դարձյալ հայ հրշեջների խումբ ուղարկել Վրաստան՝ աջակցություն ցուցաբերելու:
«Պարոն Տոնոյան, մեր երկրորդ աձնակազմը մեկնե՞լ է արդեն, երկրորդ անգամ որ դիմել էին մեզ»,- հարցրեց նա:
Ի պատասխան նախարարը նշեց. «Պայմանավորվել ենք պատրաստ վիճակում պահել: Բարձր պատրաստության մեր ստորաբաժանումները կանգնած են, հարկ եղած դեպքում կգնան»,- ասաց Տոնոյանը, նշելով, որ խոսել է Վրաստանի ներքին գործերի նախարարի հետ:
«Շատ լավ, ուշադիր եղեք»,-շարունակեց վարչապետը:
Նշենք նաեւ, որ Կարեն Կարապետյանի հանձնարարականներից մեկը վերաբերում էր դատական գործերի բաշխման ընթացակարգերի արդյունավետության բարձրացմանն և դատական գործերի քննության տևողության կրճատմանը:
«Դատական գործերի քննության տևողության խնդրին մեր կողմից անդրադարձ էր կատարվել դեռևս սույն թվականի հունիսի 29-ին և տրվել հանձնարարական դատարանների բեռնաթափմանն ուղղված լուծումներ ներկայացնելու վերաբերյալ: Արդարադատության նախարարը տեղեկացրել է այդ նպատակով համապատասխան օրենսդրական փոփոխությունների մշակման ընթացքի մասին՝ հայտնելով նաև, որ դրանք սահմանված ժամկետներում կներկայացվեն Կառավարություն»,-ասաց նա:
Zham.am
Հետևեք մեզ Facebook-ում