Ինչու՞ իշխանությունը մտքափոխվեց ընդդիմադիր պատգամավորներին մանդատներից զրկելու հարցում

Ընդդիմության փողոցային գործընթացների անարդյունք ավարտը, իշխանության մոտ գայթակղություն առաջացրեց «պատժել» իր հակառակորդներին, զրկելով նրանց պատգամավորական մանդատներից:

Սկզբում, նույնիսկ էյֆորիայի մեջ ընկած, Նիկոլ Փաշինյանի թիմակիցները, որոշել էին զրկել ընդդիմությանը մանդատներից ամբողջությամբ: Հետո, երբ միքիչ նրանց կրքերը սառեցին, որոշեցին ընդիմության պատգամավորներին բաժանել «լավերի» և «վատերի», փորձելով միայն վերջիններից ազատվել: Նույնիսկ քննարկման մեջ դրեցին որոշ «ցուցակներ», իսկ միջազգային շրջանակների հետ էլ հասցրել էին «լեզու գտնել», որպեսզի դրսի աղմուկը մեծ չլինի: Սակայն կարճ ժամանակ անց, այս քննարկումները դադարեցվեցին և հայտարարվեց, որ իշխանությունը նման ծրագրեր չունի: Շատերը իշխանության այս գործելաոճի փոփոխությունից զարմացան:

Մինչ նման որոշում կայացնելը, իշխանությունը ստացել էր որոշակի «համաձայնություն» դրսից: Սակայն պարզվեց, որ նմանատիպ իրավիճակ է ստեղծվել այս օրերին նաև Վրաստանում: Այստեղ էլ ընդդիմության մի մասը հրաժարվում է մասնակցել ԱԺ աշխատանքներին և վրաց իշխանությունները պատրաաստվում էին նրանց զրկել պատգամավորական մանդատներից: Սակայն, ինչպես ասում են շաբաթն եկավ ուրբաթից շուտ: Եվրոպական խոշորագույն կազմակերպություններից մեկը՝ ԵԺԿ-ն զգուշացրեց Վրաստանի իշխանություններին, եթե նրանք գնան այդ քայլին, ապա կստանան «պատասխան» ԵՄ-ի կողմից: Հիշեցնենք, որ ընդամենը մի քանի շաբաթ առաջ եվրոպացիները տվեցին Ուկրաինային և Մոլդովային ԵՄ-ի թեկնածուի անդամի կարգավիճակ, մինչդեռ Վրաստանին մերժեցին, բերելով մի շարք պատճառներ:

Սակայն, երբ ընդունվեց Բիձինա Իվանիշվիլիի հանդեպ անհատական պատժամիջոցների դրույթը, պարզ դարձավ, որ այդ քայլով Եվրոպան նախազգուշական մեսիջ էր ուղարկում Վրաստանի ներկայիս իշխանությանը: Այս ամենը հաշվի առնելով, Փաշինյանի թիմակիցներին, հավանաբար, դրսից «բարեկամաբար» հուշեցին, որ եվրոպացիները չեն կարող միաժամանակ դատապարտել վրացական իշխանությանը մի բանի համար, իսկ նույն բանի համար «աչք փակեն» Հայաստանի իշխանության քայլերի վրա: Ահա, թե ինչու այս իրավիճակը հաշվի առնելով, Փաշինյանի թիմակիցները որոշեցին «հետաձգել» իրենց այդ որոշումը, անորոշ ժամանակով: Պարզապես դրա մասին մոռացան նախազգուշացնել Ստյոպա Սաֆարյանին, դրա համար էլ վերջինս այդպես էլ «չհասկացավ» թե ինչու իշխանությունը հետ կանգնեց իր որոշումից:

Սա է իրականությունը:

Արտակ Հակոբյան