Արմեն Գրիգորյանի մարդասպաններին ման եկեք գրչի հարվածները դնող քննիչների, դատախազների ու դատավորների և նրանց պատվեր տվողների մեջ. փաստաբան

Շատերն են խոսում, որ Արմեն Գրիգորյանը առողջական խնդիրներ ուներ, դա իսկապես այդպես էր, բայց նա նաև բարձր արժանապատվություն ուներ, ու երբ մենք խոսում էինք առողջության մասին, ինքն ասում էր՝ ո՞վ է մեզնից բժիշկը՝ ե՞ս, թե՞ դուք (մասնագիտությամբ բժիշկ էր): Նա ասում էր, որ ես իմ բուժմամբ զբաղվում եմ և մեզ ուղղակի թույլ չտվեց դատարանի կամ որևէ այլ մարմնի առջև խոսենք իր առողջական խնդիրների մասին: Ֆրանսիայի հրապարակում հանրահավաքի մեկնարկին ելույթի խոսում ասաց Արմեն Գրիգորյանի փաստաբան Ռուբեն Մելիքյանը՝ անդրադառնալով Գրիգորյանի մահվան հանգամանքին: 

«Ինքն ասում էր, որ հանկարծ որևէ մեկի մտքով չանցնի, որ Արմեն Գրիգորյանն ինչ-որ առողջական խնդիրներ է առաջ բերում, որպեսզի պատասխան չտա, որովհետև ես իմ ցանկացած խոսքի համար պատրաստ եմ պատասխան տալ, ես քաղաքական հետապնդման եմ ենթարկվում, որը պատվով եմ տանելու և մինչև վերջին պահը ինքը պատվով տարավ այդ խաչը:

Հետո՝ ես տեսա, որ ինչ-որ պաշտոնական շրջանակներ սկսել են սլաքներն ուղղել քրեակատարողական հիմնարկի նկատմամբ: Հանուն արդարության և հենց այսօր, երբ ես շատ մեծ պատասխանատվություն եմ զգում Արմենի հիշատակի առջև, ես ուզում եմ անկեղծորեն ասել, որ քրեակատարողական հիմնարկում մենք չենք տեսել Արմենի նկատմամբ որևէ վատ վերաբերմունք: Եթե ինչ-որ մարդիկ կային, որոնք մտածում էին, թե Արմեն Գրիգորյանը քրեակատարողական հիմնարկում նեղվելու է, որովհետև իրեն նեղելու են, այդպիսի բան չի եղել, նա այնտեղ արժանապատիվ է եղել և այնտեղ էլ տեղյակ չենք որևէ խնդրի մասին: Այստեղ չեն խնդիրները, խնդիրները լրիվ ուրիշ տեղ են:

Խնդիրն այն է, թե ինչու Արմեն Գրիգորյանն առհասարակ քրեակատարողական հիմնարկում հայտնվեր, խնդիրն այն է, թե Արմեն Գրիգորյանին ինչի համար են նստեցրել, երբ են նստեցրել և ովքե՞ր ու ո՞ւմ հրամանով: Արմեն Գրիգորյանը քրեակատարողական հիմնարկում բացառապես իր քաղաքական հայացքների համար է հայտնվել: 2021 թվականի ապրիլին մի հաղորդման ժամանակ մի քանի էմոցիոնալ խոսքի համար, որը հիշեցին 22 թվականի մայիսին, որի մասին ոչ ոք չէր մտածում և չէր խոսում այս մեկ տարվա ընթացքում: Արմեն Գրիգորյանի նկատմամաբ այս քաղաքական հետապնդումը սկսվել է այն խոսքերի համար, որը մի եթերի ժամանակ նա արտահայտել է առաջին անգամ Եռաբլուր գնալուց հետո: Եվ դատական նիստի ժամանակ դատավորի հարցին ի պատասխան, նա ասաց, չնայծ անգամ չէր ուզում էմոցիոնալ ֆոնի մասին ասել, այդ օրը նա առաջին և վերջին անգամ Եռաբլուր էր այցելել»:

Ավելին՝ yerevan.today-ի տեսանյութով