Աբովյանի դիահերձարանի նկուղում պարկերով նետված հերոսների մարմիների գործով դատական նիստը. Ուղիղ

Պատերազմի զոհերի ծնողների բողոքի հիման վրա հուլիսի 12-ին Կոտայքի մարզի ընդհանուր բիրավասության դատարանում սկսվում է գործընթաց՝ Աբովյանի դիահերձարանի նկուղում գետնին անփութորեն թափված պարկերով մեր հերոսների դիակների ու մասունքների սահմռկեցուցիչ տեսանյութի հետքերով:

Ընդ որում սա այդ աղմկահարույց խայտառակ բացահատման հետագծով երկրորդ անգամ վերսկսվող դատական գործընթաց է իրականում, առաջինը Գլխավոր դատախազությունն ինքն էր հրապարակումների հիման վրա քրգործ հարուցել, վարչապետ Նիկոլ Փաշինյանի հանձնարարությամբ նշանակվել էր ծառայողական քննություն, որոշ ծնողներ կանչվել-հարցաքննվել էին, իսկ հետո մեկ-երկու կոսմետիկ պաշտոնանկություն ապահովելուց հետո փակվեց թեման:

Հիշեցնենք, այս աղմկահարույց բացահայտում արել էին հենց զոհվածների հայրերը՝ պատերազմից 7 ամիս անց՝ 2021 թվականի մայիսի 31-ին: Իսկ այդ օրերին, չմոռանանք, ո՛չ զոհերի ու ոչ էլ անհետ կորածների թվեր կառավարությունը չէր հրապարակում: