Ղարաբաղում հայերը կորցրել են նույնիսկ տարածքային ինքնավարության հավակնելու իրավունքը. Թուրք պատմաբան

«Վերջին քննարկումներում որոշ հայ գիտնականներ առաջ են քաշել Ղարաբաղի տարածքում «հայ փոքրամասնության ինքնավարության գաղափարը»։ Այնուամենայնիվ, նրանց փաստարկները սխալ են հետևյալ հիմքերով՝

ա. միջազգային իրավունքի

բ. բռնի հակամարտությունների ժառանգությունը և ամենակարևորը

գ. տուժած հայերի թիվը, որոնք որոշ չափումներով չեն կազմում նույնիսկ Ադրբեջանի բնակչության 0,1%-ը»։

Այս մասին «E-International Relations»-ի էջերում գրում է Յուտայի ​​համալսարանի քաղաքական գիտությունների ամբիոնի պրոֆեսոր Հաքան Յավուզը.

«Ունենալով դաժան հակամարտությունների պատմություն և անցյալ գործողությունների ապացույցներ, որոնք հուշում են, թե ինչպես էթնիկ խմբերը կարող են գործել ապագայում ինքնավարությունը, հավանաբար, կխրախուսի ադրբեջանցիների նկատմամբ վրեժխնդրությունն ու ատելությունը: Ադրբեջանական երբեմնի աշխույժ քաղաքներում ավերածությունների մասշտաբները նույնպես ընդգծեցին հայկական օկուպացիայի ժամանակ ադրբեջանական բնակչությանը հասցված տրավման և խորը վերքերը: Այսպիսով, կարելի է հասկանալ, թե ինչու ադրբեջանցիների շրջանում հայերին ցանկացած ինքնավարություն շնորհելու ցանկություն գրեթե չկա»,-գրում է Յավուզը։

«Ամբողջ Հայաստանը չպետք է զոհաբերի իր տնտեսական և կայուն քաղաքական ներուժը՝ հանուն «Ադրբեջանում հայ փոքրամասնության», որի թիվը շարունակում է նվազել։ Ժամանակն է, որ Հայաստանը փորձի մեկ այլ ճանապարհ՝ Ադրբեջանի հետ բանակցությունների ճանապարհը, որպեսզի երաշխավորվի, որ հայերի այս փոքրամասնության մշակութային իրավունքները լիովին երաշխավորվեն»,-եզրափակել է Յավուզը։

Խմբ. Թուրք քաղաքագետի երկար հոդվածի հատկապես վերջին պարբերությունը գործնականում ամբողջությամբ կրկնում է այն գաղափարական թեզերը, որոնք Հայաստանում առաջ են քաշվել 1990-ականներից ի վեր և՛ առաջին նախագահ Լևոն Տեր-պՊետրոսյանի, և՛ Նիկոլ Փաշինյանի և նրա թիմի կողմից։

Եզրակացությունները թողնում ենք մեր ընթերցողին։

Zham.am