Ադրբեջանում զինապահեստում տեղի է ունեցել պայթյուն. բնակչությունը տարհանվում է. Տեսանյութ
Ադրբեջանի N զորամասի զինամթերքի պահեստում տեղի է ունեցել պայթյուն, որի հետևանքով 6 մարդ է վիրավորվել. հաղորդում է «ՌԻԱ Նովոստի»-ն՝ վկայակոչելով երկրի առողջապահության նախարարությանը:
«Նրանք հոսպիտալացվել են: Նրանց մոտ բեկորային վնասվածքներ են»,- պատմել են գերատեսչությունում:
Ինչպես «ՌԻԱ Նովոստի»-ին հայտնել են Խիզիի շրջանի իշխանությունները, զինահապեստում տեղի ունեցած պայթյունից հետո մի քանի արկ ընկել է մոտակայքում գտնվող տների վրա:
«Պայթյունից հետո արկերն ընկել են Գիլյազի բնակավայրում գտնվող տների վրա, հրդեհ է բռնկվել: Իրականացվում են հրդեհաշիջման աշխատանքներ: Այժմ տարհանվում է բնակչությունը»,- հայտնել է գործակալության զրուցակիցը:
Երկրի պաշտպանության նախարարության հաղորդմամբ՝ զինապահեստում հրդեհ է բռնկվել, ինչից հետո պայթյուններ են տեղի ունեցել:
Ավելի վաղ հաղորդվել է, որ Ադրբեջանի Խիզիի շրջանի Գիլյազի բնակավայրում N զորամասում գտնվող զինամթերքի պահեստում պայթյուն է տեղի ունեցել:
Արտակարգ դեպքի հետևանքով որոշում է կայացվել փակել «Բաքու-Ռուսաստանի սահման» ավտոճանապարհը:
Դեպքի առթիվ անցկացվում է քննություն:
Հետևեք մեզ Facebook-ում