ԱԱԾ բացահայտած «դավաճանական գործակալական ցանցի» 2-րդ կալանավորված զինծառայողն է ազատ արձակվել

Yerevan.Today-ի տեղեկությամբ՝ ԱԱԾ-ի կողմից «բացահայտված» պետական դավաճանական գործակալական ցանցի 2-րդ կալանավորված զինծառայողն է ազատ արձակվել՝ օրեր առաջ։ 

Սա շարունակությունն է նախօրեին մամուլում պայթած սկանդալային հարցազրույցի՝ ձերբակալված «պետական դավաճանական գործակալական ցանցի» անդամ Վարդենիսի հրամանատար Գարիկ Էլոյանի հետ քրգործը կարճվելու և նրա ազատ արձակման մասին։ ԱԱԾ ֆեյք ու կասկածելի  օպերացիաների զավեշալի բացահայտումները թիրքաախավորված զինծառայողներն են անում։

Yerevan.Today-ին հայտնի է դարձել Գարիկ Էլոյանից բացի՝ երկրորդ «հերոսի»՝ պետական դավաճանության մեջ մեղադրվող, բայց նաև ամենածանր մեղադրանքից մաքրվող 2-րդ զինծառայողի տվյալները՝  42-ամյա  Դ․Թովմասովը, որը Վեդիից է, Արարատի N զորմասի պայմանագրային զինծառայող է ու կալանավովել է ս/թ փետրվարի 10-ին։ ԱԱԾ մեկուսարանից ազատ է արձակվել գործը դատարան չհասած՝ հունիսի 10-ին։

Նրան ազատ արձակելու հիմքը  ԱԱԾ քննչական դեպարտամենտին ներկայացված բավարար ապացույցների բազան է, որ անգամ նախաքննական փուլում է ապացուցել՝ զինծառայողն անմեղ է,  Թովմասովն իրեն մեղասգրված ամենածանր հանցագործության հետ առնչություն չունի։  Ահա այդ հիմքով էլ  նրա նկատմամբ ընտրված խափանման միջոցը փոխվել է հունիսի 10-ին ու, փաստորեն, հինգ ամիս կալանավայրում փակվելուց, անունն արատավորելուց հետո Թովմասովն ազատ է արձակվել։ Այս մասին  Yerevan.Today-ին հայտնեց Թովմասովի շահերի պաշտպան Արմեն Հովհաննիսյանը՝ ընդգծելով, որ Դ․ Թովմասովը հիասթափված է,  այլևս չի ցանկանում վերադառնալ ծառայության։ Տղամարդն ամաչում է և չի ուզում վերադառնալ ծառայության՝ իրեն հանիրավի ամամենածանր հանցագործության մեջ մեղադրելու և կալանավորելու պատճառով։

Դ․ Թովմասովը բազմամյա զինծառայող է, նա  ապրում է մարզում և ունի ընտանիք, հարազատներ, լայն միջավայր, անչափահաս՝ 1 տարեկան և 5 տարեկան երկու երեխա է խնամում։ Հարազատների խոսքով՝ փաստացի Թովմասովին «փուռն է տվել»  պետական քաղաքականության ապարատը և սացվում է՝ տղամարդուն խայտառակ արեցին միայն մի բանի համար, որ մաքրեն ուրիշներին։

«Ողջ պետական համակարգը լծված է 44-օրյա պատերազմի պարտությունն ու կորուստները արդարացնելու գործին, ԱԱԾ-ն ամեն օր Նիկոլ Փաշինյանին հասցեագրված պետական դավաճանի պիտակը պոկելու սցենարներ է մոգոնում՝ դավաճանի խարանը կապելով բանակին՝ զորքին ու հրամկազմին։ Ամիսը մեկ-երկու անգամ ԱԱԾ-ն իբր բացահայտում է 200 կամ 400 դոլարով թշնամու հետ համագործակցող դավաճանանական գործակալական ցանցեր՝  հրամանատարներ է ձերբակալում, կողպում է մի ամբողջ Գենշտաբ, որ թշնամուն ուրախացնի»,-ասում էր տեղի բնակիչներից մեկը։

Հայաստանի քաղաքացիները միայն վերջին 5 ամսում 6 պաշտոնական հաղորդագրություն են ընթերցել ու տեսանյութեր դիտել ԱԱԾ բացահայտած՝ բանակի ներսում գործող պետական դավաճանների գործակալների մասին և արդարացիորեն մի հարց է ծագում՝ այդ ու՞մ բացթողումն է գտնում ԱԱԾ-ն, ո՞ւմ չկատարած աշխատանքի հետևանքն է ծնել այդքան դավաճաններ, եթե իրականւոմ այդպես է․․․ Ինչո՞ւ ՀՀ ազգային անվատանգություն երաշխավորող մարմինը չի բացահայտել  ու չի կարողացել պատերազմից առաջ,  այդ օրերին որսալ- կանխել ինֆորմացիոն արտահոսքերը թշնամուն ապահովելու փուլում։

Տարօրինակ զուգադիպությամբ այսօր՝ ընդդիմադիրների շարժմանը զուգընթաց է ԱԱԾ-ն Փաշինյանին արդարացնող ինտենսիվ բացահայտումներ անում՝ իր բացթողումների դաշտում։ Բայց, ինչպես երևում է, կալանավորվածներն էլ ազատ են արձակվում՝ առանց ԱԱԾ կողմից նույնպիսի աղմկալից հայտարարությունների։

 Սյուզի Բադոյան

Yerevan.Today