Ռուսաստանն իրավունք չունի Թուրքիային ինչ-որ բան ասելու. Չավուշօղլուի պատասխանը՝ ՌԴ նախագահի հատուկ ներկայացուցչին
Թուրքիայի արտգործնախարար Մևլութ Չավուշօղլուն, անդրադառնալով Սիրիայի հյուսիսում Թուրիքյաի Զինված ուժերի ծրագրած հակաահաբեկչական գործողությանը և դրա վերաբերյալ Ռուսաստանի առարկություններին, ասել է, որ Թուրքիան ինքն է լուծում սիրիական տարածքից բխող խնդիրները: Այս մասին հաղորդում է Anadolu գործակալությունը
«Թուրքիան ինքն է լուծում սիրիական տարածքից բխող խնդիրները։ Եթե վտանգ լինի, մեր երկիրը չի նայի ուրիշներին ու կվերացնի խնդիրը», - ասաց նա։
Չավուշօղլուն ընդգծել է, որ ո՛չ ԱՄՆ-ն, ո՛չ էլ Ռուսաստանը իրավունք չունեն Թուրքիային ինչ-որ բան ասելու. «Այնպես չէ, որ Ռուսաստանի յուրաքանչյուր քայլ գոհացնում է Թուրքիային։ Սիրիայի հարցում մեր դիրքորոշումը չափազանց թափանցիկ է»։
Ավելի վաղ Ռուսաստանը դիմել էր Թուրքիային՝ հորդորով հրաժարվել Սիրիայի հյուսիսում հատուկ ռազմական գործողություն իրականացնելուց:
«Ռազմական գործողությունը չի լուծի այն բոլոր խնդիրները, որոնք առկա են, և առաջին հերթին՝ ամբողջությամբ չի լուծի Թուրքիայի ազգային անվտանգության խնդիրը»,-հայտարարել էր Սիրիայի հարցերով ՌԴ նախագահի հատուկ ներկայացուցիչ Ալեքսանդր Լավրենտևը:
Zham.am
Հետևեք մեզ Facebook-ում