Նիկոլ Փաշինյանը Հայկ Մարությանի վրա կոմպրոմատներ է նախապատրաստու՞մ

Այսօր լրատվամիջոցներում լուր սփռվեց այն մասին, որ պետական վերահսկողության ծառայությունը ստուգումներ է իրականացրել Երեւանի քաղաքապետարանի գործունեության մեջ եւ նախկին քաղաքապետ Հայկ Մարությանի պաշտոնավարման ժամանակահատվածում շուրջ 16 մլրդ դրամի (մոտ 40 մլն դոլար) չարաշահումներ, խախտումներ է հայտնաբերել:

Ըստ այդ տեղեկատվության, ՊՎԾ-ն պատրաստվում է այդ գործով դիմել դատախազություն, որպեսզի քրեաիրավական գնահատական տրվի տեղի ունեցածին։

Ակնհայտ է, որ սույն գործընթացը  քաղաքական ենթատեքստ ունի: Փաշինյանը, ով իր վարկանիշը գրեթե զրոի է հավասարեցրել այս տարիների ընթացքում, վախենում է, որ իր պոպուլիստական տիրույթի դաշտում կարող են հայտնվել վտանգավոր մրցակիցներ: Հայկ Մարությանը հենց այդ շարքից է: Նա Փաշինյանի հետ հավասար մասնակցեց 2018-ի դեպքերին, նույն տարում, ավելի քան 80 տոկոս ձայնով ընտրվեց Երևանի քաղաքապետի պաշտոնում: Սակայն հետագայում, ինչպես հաճախ է լինում հեղափոխություններից հետո, մեղադրեց Փաշինյանին և նրա թիմակիցներին, «հեղափոխական արժեքներին դավաճանելու մեջ» և դրանից հետո, բնականաբար, հեռացվեց քաղաքապետի պաշտոնից: Սակայն հայտնի է, որ հայ հասարակության մեջ  պաշտոնից ապօրինի կերպով զրկված մարդկանց հանդեպ դրական զգացմունքներ է առաջ գալիս:

Հենց այդ տեսանկյունից էլ Փաշինյանը մտավախություն ունի, որ կարող է ապագահում հարված ստանալ Մարությանից: Դրա համար էլ, որպեսզի չեզոքացնի իր պոտենցիալ հակառակորդին, քրեական հիմնավորումներ է նախապատրաստում իր երբեմնի ընկերոջ դեմ:

Այսպիսին են կեղծ ժողովրդավարական արժեքներ թմբկահարող գրեթե բոլոր գործիչները, որոնք խոստանում են նոր երկիր կառուցել, որտեղ չեն լինի նախկին վատ բարքերը: Սակայն իրականում ներդնում են էլ ավելի վատ բարքեր:

Փաշինյանի պարագայում այդ գործոնն էլ ավելի զգայուն է, քանզի նրա համար պաշտոն կորցնելը, կարող է հավասարազոր լինել ազատությունը կորցնելու հետ: Ահա թե ինչու, նա ամեն ինչ անելու է, որպեսզի իր բոլոր պոտենցիալ հակառակորրդները ժամանակից շուտ չեզոքացվեն, որպեսզի չվտանգեն իր իշանությունն ու անվտանգությունը:

Սա է իրականությունը:

Արտակ Հակոբյան