Տիգրան Քեոսայանը Ղազախստանում հայտնվել է «ահաբեկիչների» ցուցակում. Տեսանյութ

Ռուսաստանում հայտնի ռեժիսոր և հաղորդավար Տիգրան Քեոսայանը Ղազախստանում հայտնվել է ահաբեկիչների հետ նույն ցուցակում, հայտնում է իրազեկ աղբյուրը։ 

«Այն բանից գրեթե անմիջապես հետո, երբ մամուլում հայտնվեց, որ նա կընդգրկվի «անցանկալիների» ցուցակում, ընդգրկվեց այնտեղ։ Սահմանին նրա վրա անմիջապես «կարմիր դրոշներ» են փակցրել։ Այս ցուցակում, բացի Քեոսայանից, կան ահաբեկիչներ և Ղազախստանում այլ անցանկալի տարրեր»,-ուրբաթ KazTAG-ին ասել է ընթացակարգի մանրամասներին ծանոթ աղբյուրը:

Ինչպես պարզաբանել է աղբյուրը, այն փաստը, որ Քեոսայանն ի վերջո ընդգրկվել է Ղազախստան մուտք գործելու համար անցանկալի անձանց ցուցակում, ինչպես ավելի վաղ խոստացվել էր պաշտոնական մակարդակով, գործող կանոններին համապատասխան հրապարակային չի հայտարարվել։

«Իրականում սա բավականին ընդարձակ ցուցակ է, այնտեղ հիմնականում ահաբեկիչներ են և նմանատիպ կատեգորիայի այլ անձինք, որոնց հետ է նաև Քեոսայանը։ Եվ նրանք պաշտոնապես չեն ասի, որ նա այս ցուցակում է, դա նախատեսված չէ նորմերով. իշխանությունները անուն ազգանունով չեն անվանի այս ցուցակում ընդգրկված յուրաքանչյուր ահաբեկչի»,-պարզաբանեց զրուցակիցը։

Հիշեցնենք, որ ավելի վաղ Քեոսայանն իր հեռուստահաղորդումներից մեկի ժամանակ «բացահայտ սպառնալիքներ ու վիրավորական հարձակումներ էր հնչեցրել Ղազախստանի հասցեին»։ Տիգրան Քեոսայանը «Россия сегодня» միջազգային լրատվական գործակալության, «Sputnik» լրատվական գործակալության և «Russia Today» (RT) միջազգային տեղեկատվական ցանցի գլխավոր խմբագիր Մարգարիտա Սիմոնյանի ամուսինն է, որոնք բոլորը պատկանում են Ռուսաստանի իշխանություններին։ Ավելի վաղ՝ Ուկրաինա ռուսական ներխուժումից հետո, Սիմոնյանն արտահայտվել էր նաև Ղազախստանի վերաբերյալ։ Ապրիլի 27-ին Ղազախստանի արտաքին գործերի նախարարությունը, մեկնաբանելով ռուսաստանցի հաղորդավարի հայտարարությունները, հայտարարեց Ղազախստան մուտք գործելու համար անցանկալի անձանց ցուցակում նրա ընդգրկման հավանականության մասին։

Zham.am