Անդրանիկ Թևանյան․ «Նիկոլ Փաշինյանի խաղաղության լոզունգը բլեֆ է․ նա ՀՀ–ն տանում է դեպի գերեզման». Տեսանյութ

ՀՀ ԱԺ պատգամավոր Անդրանիկ Թևանյանի խոսքով, առաջին դեպքը չէ, երբ պաշտոնական Երևանը և Բաքուն համաժամանակյա և սինքրոնացված հայտարարություններ են անում: 

Անդրադառնալով Արցախի կարգավիճակի խնդրի վերաբերյալ Փաշինյանի վերջին հայտարարություններին, Թևանյանը շեշտեց՝ իր ասելով ստացվում է, որ 1998 թվականից ի վեր ՀՀ իշխանությունները ամեն կերպ փորձել են Ղարաբաղը հանձնել, բայց հայր և որդի Ալիևները չեն վերցրել: 

Օրվա իշխանությունը, Անդրանիկ Թևանյանի խոսքով, առաջնորդվում է բացառապես թուրքական վեկտորով, Փաշինյանը հասկանում է, որ ռուս-ուկրաինական կոնֆլիկտի հանգուցալուծումից հետո Ռուսաստանը այլ քաղաքականություն է վարելու, որտեղ փաշինյաններ չկան, հասկանում է նաև, որ ինքը պետք չէ նաև Արևմուտքին, որը պարտված դեմքի հետ երկարաժամկետ ծրագրեր կապել չի կարող, ուստի Փաշինյանը գիտակցում է, որ պետք է միայն Թուրքիան և Ադրբեջանին:

***

ՔՊ–ին կից նախագահ նշանակված Վահագն Խաչատրյան/Խաչատուրյանն էլ, միտումնավոր կամ գիքորաբար, խոստովանեց, որ 2020–ի հոկտեմբերի 19–ին հնարավոր էր կանգնեցնել պատերազմը, բայց դա չարվեց։ Արդյունքում՝ մենք առնվազն 2.000 զոհով ավելի ունեցանք, կորցրեցինք Հադրութի, Շուշիի շրջաննները (չհաշված մյուս տարածքները)։ Դա արվեց, որպեսզի «չասեն Նիկոլ դավաճան»։ 

«Նիկոլ դավաճան» չասելու համար էր նաև պատերազմը, քանզի ինչպես թիվ մեկ մեղավորն ու պատասխանատուն էր խոստովանել՝ իրենք կարող էին խուսափել պատերազմից ու զոհերից, բայց չարեցին դա։

Ինչ վերաբերում է Նիկոլ Փաշինյանի «խաղաղության» օրակարգին, ապա այն գերեզմանային է։ Այդ օրակարգը ձեռնտու է Թուրքիային, Ադրբեջանին ու անձամբ Նիկոլ Փաշինյանին, ով իր կաշվի փրկությունը տեսնում է թուրքական վեկտորի մեջ։

ՀՀ ԱԺ պատգամավոր Անդրանիկ Թևանյանի ֆեյսբուքյան էջից