Փաբում նիսյա գարեջրից՝ բարձր պաշտուն ու 2 բնակարան. եթե կարճ, ապա սա է ԱԺ փոխնախագահ Ռուբեն Ռուբինյանի ողջ անփառունակ կենսագրությունը

Փաբում նիսյա գարեջրից՝ բարձր պաշտուն ու 2 բնակարան. եթե կարճ, ապա սա է ԱԺ փոխնախագահ Ռուբեն Ռուբինյանի ողջ անփառունակ կենսագրությունը:

 

Սակայն սույն ՔՊ-ականի ներկայացրած հայտարարագիրը բավականին ուշագրավ է մի քանի դրվագով: Նախ պարզվում է, որ 2018թ. ընդամենը 500.000 դրամ ունեցող Ռուբինյանը 2021թ. արդեն ունեցել է 14 մլն դրամից ավելի գումար: Կարելի է մտածել, որ դա նրա աշխատավարձն է, սակայն մի տրամանաբանական հարց է առաջանում. եթե հաշվեհամարին կուտակված միլիոնները նրա աշխատավարձն է, ապա ի՞նչ միջոցների հաշվին է նա ապրել ու հոգացել առօրյա ծախսերը: Պարզվում է, որ Ռուբինյանը նաև վարկ է վերցրել իր «ոչ գործարար» պատգամավոր գործընկերոջը՝ Խաչատուր Սուքիասյանին պատկանող Հայէկոնոմբանկից, սակայն այդ միջոցները նա ուղղել է Կանաչ թաղում նորակառույց առանձնատուն ձեռքբերելուն, այլ ոչ թե առօրյա ծախսերին:

Կանաչ թաղում նորակառույց առանձնատան ձեռքբերումն էլ բավականին հետաքրքիր է, քանզի դրա համար վճարումը կատարվել է 2021թ., իսկ դրանից առաջ՝ 2020թ. Ռուբինյանն առաջնահերթության կարգով ընդգրկվել է այն հանրային ծառայողների ցուցակում, որոնք պետք է բնակարան գնեն նոր կառուցվող բազմաբնակարան շենքում (Ադոնցի փողոց): Ստացվում է, որ 2020թ. առաջնահերթության կարգով բնակարանի կարիք ունեցող հանրային ծառայող Ռուբեն Ռուբինյանը դրանից մեկ տարի անց՝ 2021թ. ձեռք է բերել նորակառույց առանձնատուն, որի 1քմ-ի արժեքը սկսվում է 475.000 դրամից: Ինչ խոսք, շատ հետաքրքիր առաջնահերթություն ու կարիքներ ունի պարոն Ռուբինյանը:

 

Ինչպես տեսնում եք, ապառիկով գարեջուր խմողից մինչև 2 տուն ու միլիոններ ունեցող պաշտոնյա ընդամենը մեկ քայլ է, որը Ռուբինյանն արեց 2018-ին՝ միացավ երկիրը կործանման տանող խմբակին ու իշխանազավթման արդյունքում արժանացավ բարձր պաշտոնների ու ճոխ կյանքի:

 

Ընկերոջդ ասած՝ էս չե՞ք, արա՛: