Հին մարդ էր, հին դաստիարակությամբ, պատասխանատվության ու արժանապատվության հին ու մոռացված զգացումով

13 Հունիս, 2022 19:04

Դիտել նաև

Դա Սահմանադրական կարգի տապալման գործընթաց է. Ստեփան Դանիելյան Կարգալույծ Ստեփան Ասատրյանը փոխել է եկեղեցու փականը և խոչընդոտում է քահանաների մուտքը եկեղեցի․ «Փաստինֆո» «Մոնտաժել են այն կտորը, որտեղ Տեր Արամը խոսում է զոհվածների ընտանիքների մասին»․ Ստեփան Դանիելյան «Իհարկե, նրանց չենք տեսնի Ջերմուկի շրջակայքում բողոքի ցույց կազմակերպելիս»․ Ստեփան Դանիելյան Եթե պայմաններն Ադրբեջանին թելադրվեին, ապա առաջին հանդիպումը խանի հետ կլիներ. Ստեփան Դանիելյան

Ռաֆայել Քոթանջյանի կյանքից մի դեպք եմ հիշում, որի ականատեսն եմ եղել: Երևի 15-20 տարի առաջ էր, Սպիտակ քաղաքում ինչ-որ միջոցառում էր, չեմ հիշում ոնց էի այնտեղ հայտնվել: Քաղաքի այգում մեծ բազմություն էր հավաքվել, նաև երեխաներ ու ինչ-որ առիթով համերգ ու ելույթներ պետք է լինեին:

Նախատեսված ժամից արդեն անցել էր 30 րոպե, մարդիկ արևի տակ սպասում էին, թե երբ պետք է սկսվեն ելույթները, սակայն կազմակերպիչներն անտարբերությամբ նայում էին ու չէին էլ պատրաստվում սկսել:

Հայտնվեց Ռաֆայել Քոթանջյանն ու սկսեց մտազբաղ այս ու այն կողմ քայլել: Ման էր գալիս կազմակերպիչներին ու ասում էր, մարդիկ սպասում են, անհարմար է, պետք է հարգել իրենց, անպատասխանատու է նրանց առանց բացատրելու սպասեցնել տալ: Հետո անհանգիստ սկսեց այս ու այն կողմ քայլել ու տեսնելով, որ չի սկսվում, վերցրեց միկրոֆոնն ու սկսեց ելույթ ունենալ:

Վարպետն իրեն վատ էր զգում, որ նման ոչ հարգալից վերաբերմունք է ցուցաբերվում հավաքված մարդկանց հանդեպ: Հին մարդ էր, հին դաստիարակությամբ, պատասխանատվության ու արժանապատվության հին ու մոռացված զգացումով: Այդ պահից սկսած սկսեցի նրան հարգել ոչ միայն որպես դերասան, այլև որպես մարդ:

Ստեփան Դանիելյանի ֆեյսբուքյան էջից