Իհարկե, ՔՊ-ի խոսքն արժեք չունի, և մինչև հունիսի 30-ի կեսօր ես չեմ բացառի ցանկացած անակնկալ

Որքան հասկացա՝ քպ-ականները որոշել են (կամ թերևս արևմտյան կառույցները պարտադրել են) այնուհանդերձ չհետաձգել նոր քրօրի ու նոր քրդատօրի կիրառման ժամկետը, ուստի հուլիսի 1-ից կունենանք «նոր քրեական իրավիճակ»։

Իհարկե, քպ-ի խոսքն արժեք չունի, և մինչև հունիսի 30-ի կեսօր ես չեմ բացառի ցանկացած «անակնկալ»։

Սակայն պետք է պատրաստ լինել «ակնկալ» տարբերակին ևս, ուստի որոշել եմ հունիսի 14-ից սկսած՝ «լայվի» ձևաչափով կարդալ դասախոսությունների շարք նոր քրդատ օրենսգրքի մասին՝ առնվազն հետևյալ թեմաներով՝

1) բռասլետներ ու տնային կալանք. խափանման միջոցների նոր մոդելը

2) ապացուցում. նոր հնարավորություններ

3) քրքործեր էլ չեն հարուցվելու. ինչ է լինելու փոխարենը

4) քննիչ-դատախազ. նոր «ստատուս քվո»։

5) դատաքննություն. «երդվյալներով» դատի մոդել՝ առանց «երդվյալների»

Մուտքն ազատ է։

Ռուբեն Մելիքյանի ֆեյսբուքյան էջից