«Դիմադրության» շարժման հանրահավաքը՝ Ֆրանսիայի հրապարակում․ Տեսանյութ
«Դիմադրության» շարժումը Ֆրանսիայի հրապարակում հանարհավաք է անցկացնում։
Նշենք, որ ԱԺ ընդդիմադիր պատգամավորների նախաձեռնությամբ «Հայ-ադրբեջանական և հայ-թուրքական հարաբերությունների կապակցությամբ» ԱԺ հայտարարության նախագիծ ընդունելու մասին արտահերթ նիստ էին հրավիրվել, որը տեղի չունեցավ։ ՔՊ-ականները նախապես հայտարարել էին, որ չեն մասնակցելու Արցախի հարցով հրավիրված արտահերթ նիստին։
Առաջարկում ենք հետևել ուղիղ հեռարձակմանը։
***
ՔՊ-ն տապալեց Աժ արտահերթ նիստը, մեկ շաբաթ առաջ այս հրապարակից հրապարակել էինք այն մինիմալ պահանջները, որոնք անհրաժեշտ են, որպեսզի Արցախը կլինի հայկական, ՀՀ-ն լինի անվտանգ, մենք ունենանք պետականություն։ Մենք ձևակերպել ենք այն կարմիր գծերը, որից շեղվող ցանկացած իշխանություն հստակ ուղերձ հղում ժողովրդին, որ երկիրը տանում է նոր զիջումների և նոր կապիտուլյացիայի։ Այս մասին Ֆրանսիայի հրապարակում ասաց Իշխան Սաղաթելյանը։
«Երկրի բարձրագույն օրենսդիր մարմնում, խորհրդարանական կառավարման երկրում իշխող «Քաղաքացիական պայմանագիր» կուսակցությունը հրաժարվեց քննարկել երկրի կենսական նշանակություն ունեցող հարցերը։ Դեռ 4 ժամ հնարավորություն կա, որպեսզի ՔՊ-ն խելքի գա և գան խորհրդարան, որպեսզի տեղի ունենա այդ շատ կարևոր նիստը»,-ասաց Սաղաթելյանը։
Հետևեք մեզ Facebook-ում