Կանադայի հայ համայնքը փորձում է կանխել Ադրբեջանին զենք վաճառելու գործընթացը

Կանադային հայ համայնքն արշավ է սկսել՝ փորձելով չեղյալ հայտարարել Ադրբեջանին կանադական զրահամեքենաների մատակարարումը: Ինչպես տեղեկացնում է depiararat.com-ը, համայնքի ղեկավարները փորձում են համոզել երկրի իշխանությանը չեղարկել գործարքը:

Նշվում է, որ արշավը սկսվել է այն բանից հետո, երբ «Radio Canada International»-ը և «CBC»-ն հուլիսին հայտարարել են, որ «INKAS Armored Vehicle Manufacturing» ընկերությունը պայմանագիր է կնքել Ադրբեջանի ներքին գործերի նախարարության հետ տրանսպորտային միջոցների մատակարարման վերաբերյալ:

Քաղաքական հարցերով հայ-կանադական հանձնաժողովի նախագահ Շահե Տանաչյանը նամակ է հղել Կանադայի վարչապետ Ջասթին Տրյուդոյին, որում հայտնել է, որ հայ համայնքը մտահոգված է Կանադայի և Ադրբեջանի միջև ձեռք բերված պայմանավորվածությունով, քանի որ զենքի մատակարարումը մի երկրիր, որն իր գործողություններով պարբերաբար սպառնում է խաղաղությանը տարածաշրջանում, խախտում է բոլոր սկզբունքները, որով առաջնորդվում են կանադացիները և որոնք փորձում է աշխարհով մեկ տարածել Կանադայի ԱԳՆ-ն:

Կանադայի ԱԳՆ-ի մամուլի խոսնակ Ադամ Օսթինը, իր հերթին, հայտարարել է, Խորհրդարանում արտգործնախարարի ներկայացուցիչ Մեթ Դեկորսին մոտակա ժամանակ հանդիպում կունենա հայ համայնքի ներկայացուցիչների հետ:

«Հայաստանը Կանադայի մոտիկ ընկերն ու դաշնակիցն է», - հայտարարել է Օսթինը՝ հավելելով, որ իրենք հպարտանում են Կանադայի հայ համայնքի և Հայաստանի իշխանության հետ սերտ համագործակցությունով:

Zham.am