Ֆրանսիան աջակցում է Երեւանի եւ Բաքվի միջեւ հարաբերությունների կարգավորման գործընթացում դրական դինամիկային․ Մակրոն

Ֆրանսիան աջակցում է Երեւանի եւ Բաքվի միջեւ հարաբերությունների կարգավորման գործընթացում դրական դինամիկային։ Այս մասին հայտարարել է Ֆրանսիայի նախագահ Էմանուել Մակրոնը՝ հանրապետության անկախության օրվա առթիվ Իլհամ Ալիեւին ուղղված շնորհավորանքում, որը հրապարակել է Ադրբեջանի նախագահի մամուլի ծառայությունը։ 

«Օգտվելով այս հնարավորությունից՝ ես վերահաստատում եմ Ֆրանսիայի անսասան հավատարմությունը խաղաղ համաձայնագրի բանակցություններին եւ Ադրբեջանի եւ Հայաստանի միջեւ հարաբերությունների կարգավորմանը։ Ուզում եմ ձեզ վստահեցնել, որ ես սատարում եմ վերջին ամիսներին ի հայտ եկած դրական դինամիկային՝ թե արտգործնախարարների մակարդակով, թե  սահմանային հարցերով երկկողմ հանձնաժողովի ստեղծման հարցում»,-ասվում է շնորհավորական ուղերձում, հայտնում է ՏԱՍՍ-ը։ 

Մակրոնը նաեւ ընդգծել է տարածաշրջանում խաղաղության հաստատման համար վստահության մթնոլորտի ձեւավորման կարեւորությունը։