Մտնում են և՛ բիզնեսի, և՛ պետության գրպանը

«Ագահի համար նույնիսկ գերեզմանն է նեղ» («Жадному и могила узка»)։ Այս հրաշալի ասացվածքը սովորեցի իմ լավ աբխազ ընկերոջից: Այս ասացվածքը մեծապես նկարագրում է հայկական իրողությունները։ Կարևոր է նաև, որ ագահություն ասելով նկատի ունենանք ոչ միայն Փաշինյանին և նրա մերձավոր համախոհներին, ովքեր մինչև 2018 թվականը «ապառիկ» գարեջուր էին խմում մայրաքաղաքի փաբերում, բայց այսօր իրենց թույլ են տալիս ճամփորդել հունական էլիտար հանգստավայրեր: Ագահություն ասելով նկատի ունենք նաև Փաշինյանի թիմի «երկրորդ էշելոնի» մարդկանց, որոնք ֆորմալ առումով «անտեսանելի» են շատերի համար, բայց սրանից չի պակասում այս մարդկանց կողմից պետությանը հասցված համակարգաստեղծ վնասը։

Տևական ժամանակ մամուլում և «օդում» կախված տեղեկություններ են շրջանառվում, որ «անհայտ անձինք» ՀՀ ՊԵԿ-ի հետ խնդիրներ ունեցող բոլոր գործարարներին ասում են, որ իրենց բոլոր հարցերը կլուծվեն, եթե սկսեն օգտվել «Թի ԱՐ ԼՈ ՖԸՐՄ» ՍՊԸ իրավաբանական գրասենյակի ծառայություններից։ Եթե ​​նույնիսկ մի կողմ թողնենք այն հարցը, որ շատ հաճախ գործարարի մոտ առկա խնդիրները արհեստածին ​​են, ապա կարևոր է, որ նշված ընկերությունը ղեկավարում է ՊԵԿ-ի ղեկավար Ռուստամ Բադասյանի կինը՝ Տաթևիկ Սարգսյանը։ Ինչպես կասեր Կիսելյովը. «Совпадение? Не думаю»:

Այդ մարդիկ ոչ միայն իրենք են իրականում խնդիրներ ստեղծում բիզնեսի համար և «հերոսաբար լուծում» այդ խնդիրները՝ դրանով հարստանալով, այլև 2020 թվականի ապրիլին տեղեկություն եղավ, որ պետությունը ֆինանսական օգնություն է ցուցաբերում Բադասյանի կնոջ փաստաբանական գրասենյակին։ Հասկանու՞մ եք, թե ինչ է կատարվում։ Մտնում են և՛ բիզնեսի, և՛ պետության գրպանը։

Իսկ դրանից հետո ինչ-որ մեկը համարձակվում է ասել, որ ընդդիմության գործողություններն արդարացվա՞ծ չեն։