Թուրքիան պատրաստվում է նոր միկրոցեղասպանություն իրականացնել Սիրիայի հյուսիսային մասում

Ըստ թուրք փորձագետների, թուրքական զինված ուժերը պատրաստվում են իրենց, թվով հինգերորդ զինված «օպերացիան» իրականացնել Սիրիայի հյուսիսային մասում: Մասնավորապես, այս անգամ թուրքերի թիրախում են լինելու քրդաբնակ Թել-Ռիֆաթ, Այն-ալ-Արաբ, Այն-Իսա և Մանբիջ բնակավայրերը: Անկարան այդ ռազմական հուտուկ «օպերացիայի» միջոցով, փաստացի տեղահանելու է այդ տարածքի քուրդ բնակչությանը և նրանց տեղը բերելու է Թուրքիայի տարածքում, որպես փախստական բնակվող մոտ 2,5 մլն արաբ բնակչությանը: Որպեսզի, սահմանակից այդ տարածքներում, քրդեր այլևս չբնակվեն:

Ըստ թուրք փորձագետների, Թուրքիայի նախագահ Ռեջեփ Թայիփ Էրդողանի կողմից ժամանակը «ճիշտ է ընտրված» այն իմաստով, որ Ռուսաստանն ու Արևմուտքը այս օրերին զբաղված են Ուկրաինայով, և նրանցից ոչ ոք բացահայտ չի բողոքելու քրդերի  նոր միկրոցեղասպանության դեմ:

Հենց այդ իմաստով է, որ ուկրաինական ճգնաժամի, Ֆինլանդիայի և Շվեդիայի ՆԱՏՕ-ին անդամակցության հարցերի շուրջ Անկարայի դիրքորոշումը նմանվել է «կանաչի առևտրականների» քաղաքականությանը:

Այդպես է եղել միշտ, երբ աշխարհը խառնվել է իրար, դրանից հիմնականում օգտվել են թուրքերը:

Սա է իրականությունը:

Դավիթ Մկրտչյան