Ռուսաստանի հաղթանակն անխուսափելի է․ Կադիրով

<Ուկրաինացի զինծառայողների թիվը, ովքեր գիտակցել են Կիևի ռեժիմի իրական էությունը, ամեն րոպե ավելանում է։ Նրանք հրաժարվում են մահանալ՝ պաշտպանելով խամաճիկային պետության շահերը։ Նրանց կարելի է հասկանալ, քանի որ խաբված են, ինչպես իրենց միլիոնավոր հայրենակիցները»,-գրել է Չեչնիայի ղեկավար Ռամզան Կադիրովը Տելեգրամի իր ալիքում։
⠀
 «Երիտասարդներին, որոնք նախկինում երբեք զենք չէին ձեռքին, թնդանոթի մսի պես ուղարկում էին ռազմաճակատ։ Հազարավոր զոհված ուկրաինացի զինվորներ և ավելի շատ վիրավորներ, և այս ամենը՝ ինչի՞ համար։ Հանուն Զելենսկու աթոռի և մնացած ամբողջ աղբի պահպանմա՞ն։ Այս հարցի պատասխանը այո է։ Հենց դրա համար են երիտասարդ ուկրաինացիները գնում ստույգ մահվան։
⠀
Իմ սիրելի եղբայր, ուժային բլոկի հարցերով Չեչնիայի Հանրապետության ղեկավարի օգնական Ապտա Ալաուդինովը բազմիցս կոչ է արել հակառակորդ կողմին կամավոր վայր դնել զենքերը, հրաժարվել դիմադրության անիմաստ փորձերից: Ռուսաստանի հաղթանակն անխուսափելի է, քանի որ մենք պայքարում ենք արդար գործի համար, հանուն ազատության և խաղաղության՝ առանց ազգայնականության Դոնբասում և ողջ Ուկրաինայում։
⠀
Արդեն արթնանալու ժամանակն է։ Ուկրաինացի զինվորականները դեռ ընտրության հնարավորություն ունեն՝ ինքնակամ վայր դնել զենքերը և վերադառնալ իրենց ընտանիքների մոտ։ Հակառակ դեպքում՝ նրանց տրամադրվում է միակողմանի տոմս։ Անձամբ ձեզ խորհուրդ եմ տալիս չհետաձգել որոշումը, քանի որ ազատագրական բանակի գրոհը չափազանց արագ է ընթանում»,֊գրել է Կադիրովը։