«Այսօր առավոտյան ժամը 8-ին մենք կարողացանք անել այն, ինչ քչերը կպատկերացնեին». ԱԳՆ շենքն ապաշրջափակվեց. Տեսանյութ

Ֆրանսիայի հրապարակից մեկնարկել են անհնազանդության խաղաղ ակցիաները։

Իրադարձություններին առաջարկում ենք հետևել ուղիղ հեռարձակմամբ։

***

Ժամը 08։50-ի դրությամբ աշխատակիցների զգալի մասը չկարողացավ շենք մտնել:

168.am-ի տեղեկություններով՝ այս պահին Արտաքին գործերի նախարարության շենքում ԱԳՆ ղեկավար կազմից գտնվում են փոխնախարարներն ու գլխավոր քարտուղարը: Նախարար Արարատ Միրզոյանի՝ շենքում գտնվելու վերաբերյալ տեղեկությունները հակասական են:

***

Մենք այսօր առավոտյան ժամը 8–ին կարողացանք անել այն, ինչ շատ քչերը կպատկերացնեին, մենք կարողացանք ապահովել ԱԳՆ շենքի աշխատակիցների գործադուլի իրավունքը։ Այս մասին այսօր՝ մայիսի 24-ին, ԱԳՆ շենքի մոտ «Դիմադրության» շարժման ակցիայի ժամանակ հայտարարեց «Հայաստան» դաշինքի պատգամավոր Արամ Վարդևանյանը՝ դիմելով ցուցարարներին:

«Մենք՝ պատգամավորներով, մտանք ԱԳՆ շենք, առաջին բանը որ պետք է ասեմ՝ հաշված մարդիկ էին այնտեղ, այն շենքը որ միշտ լեփ–լեցուն է, մարդ չկար և դա ձեր շնորհքն է։ Մենք գնացել էինք ձեր պահանջով մեկ հարց բարձրաձայնելու՝ կա՞ն արդյոք պաշտոնյաներ, որոնք կարող են ասել, որ Արցախը երբեք չի լինելու Ադրբեջանի կազմում։ Մենք տեսանք երկու փոխնախարարի, երկուսի մեկից փորձում էր ասել, չկարողացավ, վախեցավ, մյուսն ասաց, որովհետև, ժողովուրդ ջան, Հայաստանում, երբ մենք ասում ենք՝ առանց Նիկոլ Հայաստան, մենք չեն ասում, որ դա մեծ խումբ է, չենք ասում, որ չկան արժանապատիվ մարդիկ, իրական պետական ծառայողներ, ուղղակի կա մեկ անձ, ով տանում է Հայաստանն ու Արցախը զիջումների։  Թույլ չենք տալու»,–ասաց Վարդևանյանը։

Նա ասաց, որ հերթական անգամ կարմիր բերետավորներից ոմանք որոշակի գործողություն էր փորձել կատարել ցուցարարների նկատմաբ, որը չի հաջողվել ու կրկին ժողովրդի շնորհիվ։

Իր հերթին ԱԺ փոխխոսնակ Իշխան Սաղաթելյանը հայտարարեց. «Մեր առջև դրված խնդիրը լիարժեք կատարված է»: Նա առաջարկեց  5 րոպեից բացել շուրջ 3 ժամ շրջափակած ԱԳՆ մուտքերը, այնուհետև երթով շարժվել դեպի Ֆրանսիայի հրապարակ։

«Երեկոյան կարևոր ծրագիր ունենք»,- ասաց Սաղաթելյանը։