«Ինտերը», «Տոտենհեմն» ու «Աստոն Վիլան» ցանկանում են ձեռք բերել Հենրիխ Մխիթարյանին

Իտալիայի չեմպիոն Միլանի «Ինտերը», անգլիական «Տոտենհեմն» ու «Աստոն Վիլան» ցանկանում են ձեռք բերել իտալական «Ռոմայի» կիսապաշտպան Հենրիխ Մխիթարյանին, հաղորդում է  Calciomercato-ն։ 33-ամյա ֆուտբոլիստը դեռ չի երկարաձգել պայմանագիրը պորտուգալացի Ժոզե Մոուրինյոյի գլխավորած թիմի հետ։

Հուլիսի 1-ին նա կստանա ազատ գործակալի կարգավիճակ եւ կկարողանա անվճար փոխել ակումբը։

Transfermarkt-ը Հայաստանի հավաքականի նախկին խաղացողի տրանսֆերային արժեքը գնահատում է 10 միլիոն եվրո։

Ընթացիկ մրցաշրջանում Մխիթարյանը «Ռոմայի» հետ մասնակցել է 43 հանդիպման բոլոր մրցաշարերում, խփել 5 գոլ, կատարել 9 գոլային փոխանցում։