Պուտինը Աբխազիայում է. ինչ մեսիջ է նա փոխանցում Երևանին, Թբիլիսիին և Բաքվին

Ինչպես հայտնի է, ինը տարի առաջ այս օրը բռնկվեց Ռուս – վրացական պատերազմը: Արդյունքում Ռուսաստանը դե յուրե ճանաչեց Աբխազիայի և Հարավային Օսիայի անկախությունը, իսկ Վրաստանը վերջնականապես կորցրեց իր ազդեցությունն այդ տարածքների վրա:

Ինը տարի անց Միացյալ Նահանգները նԱՏՕ-ի խողովակով այս օրերին Վրաստանում անցկացնում են զորավարժություններ, ինչը յուրօրինակ մեսիջ է Մոսկվային, որ Արևմուտքը շարունակելու է այս հարցում աջակցել Վրաստանին:

Պուտինի այցն Աբխազիա պատասխան մեսիջ է Վրաստանին և ԱՄՆ-ին, որ Մոսկվան երբեք չի հրաժարվի Աբխազիայից և Հարավային Օսիայից: Բայց այս այցը անուղղակի մեսիջ է փոխանցում նաև Երևանին և Բաքվին: Բաքվին նախազգուշացնում է, որ նրանք հիշեն Ռուս – վրացական պատերազմի դառը փորձը և զերժ մնան Ղարաբաղյան ճակատում ռազմական գործողություններից: Ինչ վերաբերվում է երևանին, ապա այստեղ Պուտինի մեսիջը նույնպես հստակ է. եթե Երևանը շարունակի իր արևմտյան խաղերը Ռուսաստանի դեմ, ապա կավարտի այնպես, ինչպես որ ավարտեց Վրաստանը և կարժանանա Առաջին հանրապետության ճակատագրին:

Թե այս ամենից ինչ դասեր կքաղեն Երևանում և Բաքվում, կտեսնենք առաջիկայում:

Zham.am