Ադրբեջանամետ ռուս քաղաքագետին Մոսկվայում կանչել են հետաքննության
Ոչ այնքան հայտնի ռուս քաղաքագետ Օլեգ Կուզնեցովը, ով մասնագիտացած է հակահայկական գործունեությամբ, մի գիրք է գրել, այսպես կոչված, հայկական ահաբեկչության մասին` 20-րդ դարում, որտեղ այս անձնավորությունը հայերին ձևակերպում է որպես ամենավտանգավոր ազգերից մեկը: Նշենք նաև, որ սույն քաղաքագետի հակահայկական ուղղվածությունը նույնպես իր պատճառներն ունի: Նա Իլհամ Ալիևի հաստիքային քաղաքագետներից է: Ֆինանսավորումը ստանում է Բաքվից, իսկ գործունեությունն իրականացնում Մոսկվայում: Սակայն քանի որ Բաքվի պատվիրատուները կացնային ոճի պատվերներ են իջեցնում, այս ռուս քաղաքագետը իր գործը արդարացնելու համար փորձում է բոլոր չափերն անցնել` հայերին քննադատելու հարցում: Սակայն քանի որ նա այդպես էլ չկարողացավ ինտեգրվել ռուսական փորձագիտական և քաղաքագիտական շրջանակներում, քանի որ այստեղ ընդունված չեն ծայրահեղ դիրքորոշումները այս կամ այն երկրի հանդեպ: Կուզնեցովն իր գործունեությունն ինչ – որ չափով արդարացնելու համար կատարեց իր վճռական քայլը. հայերի հանդեպ այս խիստ վիրավորական տոնով գրած աշխատանքը սույն թվականի ապրիլին ամենաբարձր մակարդակով ներկայացրեց Բաքվում: Իլհամ Ալիևին կից նախագահական խորհրդում մեծ շոու էին կազմակերպել` փորձելով այն դարձնել իբր միջազգային բնույթի: Սակայն ադրբեջանցիներին չհաջողվեց այս պարզունակ հակահայկական շոուն: Պարզվեց, որ միջազգային շրջանակներում այս հարցում չկա շահագրգռվածություն:
Հաշվի առնելով Կուզնեցովի խիստ պարզունակ հակահայկական բովանդակություն ունեցող այս աշխատանքը, Մոսկվայի հայկական շրջանակները որոշեցին նրան պատժել հենց իր իսկ մեթոդներով, այն է` Ռուսաստանի քննչական կոմիտեին հայերը բողոք ներկայացրեցին Կուզնեցովի դեմ` հիմնավորելով, որ այս մարդը փաստացի զբաղված է Ռուսաստանի տարածքում ազգամիջյան կրքեր սրելով, վիրավորելով հայերին: Եվ ահա այսօր Կուզնեցովին հրավիրել են քննչական կոմիտե, որտեղ պետք է քննվի այս բողոքը: Պարզ է, որ այս խնդիրը բավականին նուրբ է, և քննչական կոմիտեն քննելու է մի մարդու գործ, որի հանդեպ Հայաստանում և Ադրբեջանում կա 180 աստիճանի տարբեր դիրքորոշումներ: Մյուս կողմից Կուզնեցովի աշխատանքի պարզունակությունն ու գռեհկությունն ակներևէ, որը համահունչ չէ ժամանակակից տենդենցներին: Այնպես որ, այս մարդը դժվար կարող է հեշտ ու հանգիստ մարսել ադրբեջանական դոլարները, քանզի պրոադրբեջանական լոբիստական աշխատանքն էլ պետք է խելքով իրականացնել, այլ ոչ թե փորձել քծնանքի հուշ – երեկոներ կազմակերպել Իլհամ Ալիևի համար և արևելյան ոճով վայրահաչել հայերի դեմ:
Արտակ Հակոբյան
Հետևեք մեզ Facebook-ում