Բռնության կիրառմամբ առևանգել են դաշնակցական երիտասարդ Պետո Սարոյանին. փաստաբան

2022թ. մայիսի 10-ին՝ ժամը 23:30-ի սահմաններում թվով 6 անձինք Տիգրան Մեծի պողոտայի «Երևան Սիթի» սուպերմարկետի մոտից բռնության կիրառմամբ առևանգել են դաշնակցական երիտասարդ Պետո Սարոյանին։ Այս մասին ֆեյսբուքյան իր էջում գրել է փաստաբան Բենիկ Գալստյանը:

«Առավել քան վստահ եմ, որ նրանք իրավապահ համակարգի աշխատակիցներ չեն։

Ասեմ ինչու։

Պետոյի մասով 10.05.2022թ. Ժամը 16:00-ից մինչև ժամը 20:00-ն ընկած ժամանակահատվածում ըստ հերթականության հեռախոսազրույցներ եմ ունեցել՝

-ՀՀ ՔԿ Շիրակի ՄՔՎ քննիչ Խորեն Նազարյանի հետ, ով հայտնել է, որ տվյալ պահին խիստ զբաղված է, Պետոյին հարցաքննության կկանչի մոտակա օրերս՝ ինձ հետ նախապես հեռախոսակապ հաստատելու միջոցով։

-Խոսել եմ ՀՀ ոստիկանության Շիրակի ՄՎ հերթապահ մասի հերթապահի, ինչպես նաև օպերլիազորներից մեկի հետ, ովքեր հավաստիացրել են, որ որևէ խնդիր չկա։

Այժմ վերը նշված հանցագործության ականատեսներից մեկի հետ գնում ենք ոստիկանության Կենտրոնականի բաժին՝ հանցագործության մասին հաղորդում տալու համար»,- նշել է Գալստյանը։