Խերսոնի մարզը կարող է դառնալ ՌԴ սուբյեկտ

Խերսոնի մարզի ռազմա-քաղաքացիական վարչակազմի փոխնախագահ Կիրիլ Ստրեմուսովը ՌԻԱ Նովոստիին ասել է, որ տարածաշրջանը կձգտի դառնալ Ռուսաստանի Դաշնության սուբյեկտներից մեկը։

Ռուս զինվորականները Ուկրաինայի ապառազմականացման հատուկ գործողության ընթացքում վերահսկողության տակ են վերցրել ողջ Խերսոնի մարզը երկրի հարավում և Զապորոժիեյի մարզի մերձազովյան հատվածը։ Տարածաշրջաններում ձևավորվել են քաղաքացիական-ռազմական վարչակազմեր, սկսվել է ռուսական հեռուստաալիքների և ռադիոյի հեռարձակումը, վերականգնվում են առևտրային կապերը Ղրիմի հետ։

«Մենք մտադիր ենք ապրել Ռուսաստանի Դաշնության կազմում և զարգացման տեմպերով նմանվելու ենք Ղրիմին: Տարածաշրջանը ձգտելու է դառնալ Ռուսաստանի Դաշնության սուբյեկտ։ Ոչ ոք ոչինչ չի պարտադրի, բայց ռուսական հնագույն հողերը պետք է վերադառնան իրենց պատմական մշակույթի և արժեքների ակունիքին», – ասել է Ստրեմուսովը գործակալությանը:

Նրա խոսքով՝ անհրաժեշտության դեպքում Խերսոնի մարզի իշխանությունները պատրաստ են դիմել տարածաշրջանը Ռուսաստանի Դաշնության կազմում ընդգրկելու հարցով։ «Սակայն արդեն հիմա մենք լիարժեքորեն համագործակցում ենք և Ռուսաստանի ռեգիոնների հետ մեզ զգում որպես մեկ ամբողջություն»,-ասել է նա։