Ո՞ւր էին Անդրանիկ Քոչարյանը, իր տղան, երբ այսօր բերման ենթարկվածներն առաջնագծում էին․ Իշխան Սաղաթելյան. Տեսանյութ

Այսօրվա բերման ենթարկված տղերքից առնվազն մի 40 հոգի մասնակցել են 44-օրյա պատերազմին, ընկերներին են կորցրել, եղել են առաջնագծում, բա ո՞ւր էին Անդրանիկ Քոչարյանը, իր տղան, մնացած բոլորը՝ ո՞ւր էին․ ըստ Yerkir.am-ի հայտարարեց ՀՅԴ Հայաստանի ԳՄ ներկայացուցիչ, ԱԺ փոխնախագահ Իշխան Սաղաթելյանը Ֆրանսիայի հրապարակում մամուլի ասուլիսում՝ անդրադառնալով ՔՊ-ական պատգամավոր Անդրանիկ Քոչարյանի ևս մեկ հայտարարությանը, որ արդեն գործընթաց է սկսվում բերման ենթարկված ակտիվիստներին եռամսյա հավաքների ուղարկելու։

Սրիկայությանը, վերջապես, չափ ու սահման կա՞, թե՞ չէ՝ հավելեց նա։

«Այսօրվա իշխանության դեմքն է սա․ երբ դրանք են հրահանգ տալիս ուժային կառույցներին՝ սա է իրավիճակը․ ո՞վ իրավունք ունի Սեյրան Օհանյանին նման բան ասելու, ով իր կյանքի գնով հայրենիքն է պաշտպանել, ոտքն է կորցրել։ Երեկ այս բեմի վրա հաշմանդամ տղերք էին խոսում՝ ոտքները կորցրած»,-հայտարարեց Իշխան Սաղաթելյանը։

Իսկ եթե իրենք մեզ վախեցնում են լագերներով, բանտարկությունով, նշեց նա, իրենց օրը շատ մոտ է՝ իրենք են դավաճանություն գործել պետության, հայրենիքի նկատմամբ, ի՞նչ իրավունք ունեն այդ թեմաներից խոսելու։

«Ո՞ւմ տանեն․ էս անլուրջ, ցինիկ պահվածքին վերջ լինելո՞ւ է, թե՞ չէ»,-ասաց Իշխան Սաղաթելյանը։

Մանրամասն՝ տեսանյութում․