«Ուղղակի տղայական մթնոլորտ է». հատուկ գումարտակի ոստիկանները փողոցում «արտագնա» ժողով են գումարել

Երեւանի կենտրոնական փողոցներից մեկում կարմիր բերետավորները հենց փողոցում «արտագնա» ժողով էին անցկացնում:

Տեսնելով իրենց տեսանկարահանող լրագրողին, նրանցից մեկն ասաց. «Հարգելիս, անհարմար է, գնացեք»:

Երբ լրագրողը նշում է, որ ոստիկանները տարբերանշաններ չունեն, ստանում է պատասխան. «Մեզ բոլորը ճանաչում են, մեզ դժվար չի գտնելը, հատուկ գումարտակն է սա, ոչ մի գաղտնի բան չենք անում, հանցագործություն չենք անում: Ուղղակի տղայական մթնոլորտ է, մի քիչ ընկերական խոսակցություն ենք տանում: Խնդրում եմ շարունակեք ձեր ճանապարհը»:

Նշենք, որ այսօր վաղ առավոտից  քաղաքացիները կրկին կաթվածահար են արել մայրաքաղաքի մի շարք փողոցներ:

Նախօրեին ՀՅԴ ԳՄ անդամ, ԱԺ փոխնախագահ Իշխան Սաղաթելյանը հայտարարեց, որ պայքարը պետք է մեծացնեն եւ ընդգրկեն ամբողջ Հայաստանը։ Նա կոչ արեց մարզերի բնակչությանը մարզերում վերսկսել բողոքի ակցիաներ եւ ցույցեր:

Աղբյուր՝ NEWS.am