Facebook-ն անջատել է արհեստական ինտելեկտը, երբ այն սեփական լեզուն է ստեղծել

Facebook սոցիալական ցանցի ծրագրավորողները ստիպված են եղել անջատել արհեստական ինտելեկտի հիման վրա աշխատող չատ-բոտերն այն բանից հետո, երբ դրանք հաղորդակցության համար սեփական լեզուն են ստեղծել, հայտնում է International Business Times-ը:

Բոլոր բոտերը ծրագրավորված էին եղել անգլերենով հաղորդակցվելու համար, սակայն հետագայում որոշ բոտեր լեզու են ստեղծել իրար միջև ավելի արագ հաղորդակցվելու համար, իսկ քանի որ դա հակասում էր նախագծի նպատակներին՝ Facebook ընկերությունը ստիպված է եղել դրանք անջատել, իսկ արհեստական ինտելեկտի մյուս բոտերին վերածրագրավորել բացառապես անգլերենով շփվելու համար:

Ավելի վաղ SpaceX և Tesla ընկերությունների տնօրեն Իլոն Մասկը հայտարարել էր, որ արհեստական ինտելեկտն առանցքային վտանգ է մարդկության համար, սակայն Facebook-ի հիմնադիր Մարկ Ցուկերբերգը քննադատել էր այդ դիրքորոշումը և նշել, որ «արհեստական ինտելեկտն ապագայում մեր կյանքն ավելի լավը կդարձնի»:

Աղբյուրը` Tert.am