Հայաստանը պետք է մաքրել ներքին ու արտաքին թշնամուց, եւ համերաշխությունը, սերն ու անդորրը վերադարձնել Հայ ժողովրդին եւ Հայոց աշխարհին. Զաքար Խոջաբաղյանը՝ Գրիգոր Հարությունյանի ու Ռոմա Բաղդասարյանի մասին

Առաջին 4 նկարում մեր Գրիգորն է։ Գրիգորին ճանաչում եմ դեռ 2005 թ-ից՝ ուսանողական տարիներից։ Մեր ընկերն է։ Շատերի պես՝ ընտանիքի սոցիալական խնդիրներն հոգալու համար, Գրիգորը ստիպված էր տարիներ առաջ մեկնել արտագնա աշխատանքի՝ ՌԴ, բայց ամեն անգամ սահմանին մի փոքր լարվածության դեպքում՝ տոմս էր առնում ու շտապում Հայրենիք։ Գրիգորը սահմանին էր ապրիլյանի ժամանակ, 44 օր տեւած պատերազմին, դրան հաջորդող տարբեր սրացումներին։ 44-օրյային, Սիսիական-ի, Հայոց Ազգային գվարդիայի տղերքի ու մի շարք ընկերների հետ մոտ 2-3 շաբաթ հայտնվել էին գրեթե շրջափակման մեջ՝ Արցախի հարավ արեւելյան հատվածում, եւ միայն գրագետ կազմակերպված գործողությունների եւ Աստծո կամոք՝ կարողացել ողջ մնալ եւ դուրս գալ շրջափակումից։ 2020 թվականի նոյեմբերի 9-ի դավաճանական փաստաթղթի ստորագրումից հետո էլ, Գրիգորը չի դադարել պարբերաբար այցելել առաջնագիծ, մասնակցել հերթապահությանը, դիրքերի կահավորման եւ, իր ու մեր ընկերների ջանքերով՝ նաեւ առանձին դիրքերի տեխնիկական համալրումն հագեցվածությունն ապահովելու գործին։ Արցախում վերջերս նկատված լարվածության ժամանակ եւս, Գրիգորը, մոտ 2 տասնյակ ընկերների հետ շտապել էր առաջնագիծ։

Կից Գրիգորի ֆեյսբուքյան էջն է։