Կարմիր բերետի կողմից քաղաքացու ավտոմեքենայի դիմապակին ջարդելու փաստի առթիվ ներկայացվեց հանցագործության մասին հաղորդում։ Այս մասին Facebook-ի իր էջում գրել է «Իրավական ուղի» ՀԿ համահիմնադիր Ռուբեն Մելիքյանը:
Ավելի վաղ նա նշել էր, որ կարմիր բերետավորը բռունցքի մի քանի հարվածով դիտարվորյալ կոտրել է քաղաքացու մեքենայի դիմապակին:
Լրագրողների հետո զրույցում մեքենայի վարորդը նշել էր, որ հարվածողը ոստիկան էր. «Ասաց` հանի մեքենադ ու չսպասեց, միանգամից ջարդեց: Իրազեկման ակցիա ենք անում, ճանապարհ ենք փակում: Բռունցքով է հարվածել: Մոտ 7-8 հոգի սկսեցին հարվածել մեքենայիս, այդ հարվածներից մեկով ջարդեցին դիմապակին: Ամբողջ կադրերը կան, ու իրենք էլ ընդունեցին, որ իրենց մեղքով է ջարդվել։ Դեմքով մոտավոր հիշում եմ՝ ովքեր էին, ու կարծում եմ`ընթացք կտամ այս դեպքին»,- ասաց մեքենայի վարորդը։
Նշենք, որ ՀՀԿ անդամները և մի խումբ ընդդիմադիր քաղաքացիներ փակել էին Ազատության պողոտան։ Այնտեղ են մեծաթիվ ոստիկանական ուժեր և փորձում են քաղաքացիներին հեռացնել ճանապարհի երթևեկելի մասից ու բացել այն։
Հետևեք մեզ Facebook-ում