Շարժման հետագա գործողությունները հայտնի կդառնան այսօր՝ 19։00-ին կայանալիք ասուլիսին․ Արսեն Բաբայան

Գիշերն անցել է հանգիստ, տարբեր քննարկումներ են եղել։ Այս մասին ասաց Հայրենիք» կուսակցության քաղխորհրդի անդամ Արսեն Բաբայանը, որը ևս գիշերն անց է կացրել Ազատության հրապարակում։

Ազատության հրապարակից մեկնարկած շարժման հետագա ընթացքի, սպասվող քայլերի մասին, ինչպես լրագրողներին տեղեկացրեց Արսեն Բաբայանը, ամենայն հավանականությամբ, հայտնի կդառնա այսօր 19։00-ին Արթուր Վանեցյանի ասուլիսի ժամանակ։

Անդրադառնալով երեկ երեկոյան ոստիկանների կողմից վրաններն առգրավելու ու այն հրապարակ տեղափոխող անձանց ոստիկանական բաժանմունք տեղափոխելու դեպքին՝ Բաբայանը նշեց․

«Վրաններն իշխանության գլուխ կանգնած մեկի կամ մի քանիսի մոտ, հավանաբար, վախ են առաջացրել, և նրանք, ուղղակի, ֆիզիկական ուժ գործադրելով՝ «ձերբակալեցին» վրանները»։

Հիշեցնենք, որ երեկ երեկոյան ոստիկանները Ազատության հրապարակից բերման էին ենթարկել չորս հոգու, ովքեր հավաքի համար աթոռներն և վրանները փորձել էին տեղափոխել հրապարակ։ Ժամեր անց նրանք ազատ են արձակվել։ 

Աղբյուր` Փաստինֆո