Ադրբեջանում առաջարկում են Ղազախստանի օրինակով արգելափակել ռուսական ԶԼՄ-ների սփռումը իրենց տարածքում
Ինչպես հայտնի է, ռուս-ուկրաինական պատերազմից քիչ անց, Ռուսաստանը որոշեց արգելափակել ադրբեջանական հիմնական ԶԼՄ-ների սփռումը իր տարածքում: Պատճառը՝ ադրբեջանական ԶԼՄ-ների ակնհայտ ուկրայնամետ դիրքորոշումն էր:
Եվ, ահա, ադրբեջանական որոշ շրջանակներ, առաջարկում են Ադրբեջանի նախագահ Իլհամ Ալիևին հայելապատ պատասխան տալ ռուսներին: Դրանով, ըստ այդ շրջանակների, ռուսները կհասկանան, որ իրենց քայլը ադրբեջանական ԶԼՄ-ների նկատմամբ անպատասխան չի մնացել: Բացի այդ, ըստ նրանց, Ադրբեջանի այս քայլը էապես կմեծացնի իր կշիռը Արևմուտքում և վերջինս Բաքվի հանդեպ տարբեր հարցերում, այդ թվում Լեռնային Ղարաբաղի հարցում կփոխի իր դիրքորոշումը:
Սակայն պաշտոնական Բաքուն դեռ չի համարձակվում նման քայլ կատարել, համարելով, որ «դեռ դրա ժամանակը չի եկել»:
Մյուս կողմից ադրբեջանցիները Ղազախստանի օրինակն են բերում, որտեղ ոչ միայն արգելափակվել են հիմնական ռուսական ԶԼՄ-ների սփռումը, այլև երկու օր առաջ որոշում կայացվեց չտոնել մայիսի 9-ը, ինչով լուրջ մտահոգություն առաջացրեց Մոսկվայի մոտ:
Արտակ Հակոբյան
Հետևեք մեզ Facebook-ում