Եթե ուզում են ինձ մեղադրել, ապա պետք է մեղադրեն ոչ թե հողերը հանձնելու, այլ չհանձնելու մեջ․ Նիկոլ Փաշինյան

44-օրյա պատերազմի զոհերի թիվը այսօրվա դրությամբ 3825 է, նրանց մեծ մասի մարմինները հայտնաբերվել կամ ԴՆԹ նույնականացվել են ու հուղարկավորվել։ Այս մասին ԱԺ-ում կառավարության կատարողականի զեկույցի ժամանակ ասաց Նիկոլ Փաշինյանը։

«Ես ի սկզբանե ընդունել եմ իմ մեղքն ու պատասխանատվությունը թե՛ պատերազմի և թե՛ պարտության համար, բայց չեմ ընդունել ու չեմ ընդունելու այն մեղադրանքները, որ ինձ հասցեագրում են ընդդիմադիրները 2020 թ-ի նոյեմբերի 9-ից հետո՝ մեղադրելով հողեր հանձնելու և դավաճանության մեջ։ Առաջին հայացքից սա կարող է աբսուրդ թվալ, երբ ընդունում ես մեղքը, բայց չես ընդունում մեղադրանքը։ Թերևս բոլոր՝ թե՛ քաղաքական, թե՛ բարոյական խոսակցության տիրությում հասունացել է պահը, որ այս երկվությունը լուծվի։ Եթե ինձ ուզում են օբյեկտիվ մեղադրանք վերագրել, ինձ պետք է մեղադրեն ոչ թե հողերը հանձնելու, այլ չհանձնելու մեջ, հիմա ուզում եմ խոստովանել, որ հնարավոր է և, այո, մեղավոր եմ դրա  մեջ»,–ասաց Նիկոլ Փաշինյանը։

Ըստ նրա՝հանձնելով գուցե կփրկեր հազարավոր կյաքներ, իսկ չհանձնելով, փաստորեն հազարավոր զոհերի հանգեցրած որոշումների հեղինակ է դարձել։