Մակրոնն առաջատար է քվեաթերթիկների 97 տոկոսի հաշվարկից հետո

Ֆրանսիայի ՆԳՆ վերջին տվյալներով՝ քվեաթերթիկների 97 տոկոսի հաշվարկից հետո գործող նախագահ Էմանուել Մակրոնը պահպանում է առաջատարությունը պետության ղեկավարի ընտրությունների առաջին փուլում՝ հավաքելով 27,6 տոկոս ձայն։

Այս մասին հայտնում է RIA Novosti-ն։ «Ազգային միություն» աջ կուսակցության ղեկավար Մարին Լե Պենը զբաղեցնում է երկրորդ տեղը (23,41 տոկոս), «Աննվաճ Ֆրանսիա» ձախ կուսակցության ղեկավար Ժան-Լյուկ Մելանշոնը երրորդ տեղում է (21,95 տոկոս)։ Այդուհանդերձ, մայրաքաղաքային շրջանում առաջին տեղը զբաղեցրել է Մելանշոնը, ով արդեն չի հավակնում երկրորդ փուլին (30,24 տոկոս ձայն), նրան հաջորդում են Մակրոնը (30,19 տոկոս) և Լե Պենը (12,97 տոկոս)։ Հենց մայրաքաղաք Փարիզում իրադրությունն այլ է․ Մակրոնը ստացել է 35,33 տոկոս ձայն, Մելանշոնը՝ 30,09։ Մարին Լե Պենը 6-րդ տեղում է՝ 5,54 տոկոս ձայնով։

Նախագահական ընտրությունների երկրորդ փուլը կանցկացվի ապրիլի 24-ին։

Zham.am