Ո՞ւմ էր ակնարկում Մեդվեդևը` մեղադրելով Պեսկովին

Ինչպես հայտնի է, օրեր առաջ Ռուսաստանի նախագահի մամլո խոսնակ Դմիտրի Պեսկովը պաշտպանեց հեռուստալրագրող Իվան Ուրգանտին, նշելով որ նա իսկական հայրենասեր է: Մինչդեռ Ուրգանտը ոչ միայն չաջակցեց ռուսական զորքերի ներխուժումը Ուկրաինա, այլև խաղաղասիրական թեզով հանդես եկավ ու Ռուսաստանից հեռացավ Իսրաել:

Դրանից հետո Ուրգանտին սկսեցին քննադատել աջից և ձախից: Սակայն, երբ նրան իր պաշտպանության տակ վերցրեց Պեսկովը, անսպասելիորեն վերջինին սկսեց քննադատել Չեչնյաի ղեկավար Ռամզան Կադիրովը: Վերջինս փաստացի Պեկովին մեղադրեց «դավաճանությունը պաշտպանելու մեջ»: Կադիրովին աջակցեցին ռուս զինվորականներն ու վերլուծական շրջանակների զգալի մասը:

Իրավիճակն հետաքրքիր էր նրանով, որ Պեսկովը Պուտինի մամլո խոսնակն է: իսկ, երբ Պեսկովը հայտարարեց, որ ռուսական զորքերը Ուկրաինայում մեծ կորուստներ են կրում և պետք է խաղաղության հասնել Զելենսկու հետ, ռուական զինվորական շրջանակները արդեն բացահայտ սկսեցին հայտարարել, թե «...Պեսկովը իր անտեղի հայտարարություններով վնասում է Մոսկվայի գործողությունը Ուկրաինայում...»:

Ռուս զինվորականների քննադատությանը միացավ Ռուսաստանի կոմկուսի ղեկավար Զյուգանովը:

Սակայն ամենասենսացիոն հայտարարությունը եղավ Դմիտրի Մեդվեդևի կողմից: վերջինս, ի տարբերություն Զյուգանովի, Պուտինի տեղակալն է երկրի Անվտանգության խորհրդում: Եվ ահա Մեդվեդևը ուշացած ակնարկելով Պեսկովին հայտարարում է բառացիորեն հետևյալը,- «...Патриотизм – это не образ твоих мыслей, это твои действия. И ещё:

У тех, кто любит Родину, – очень разные лица.

У предателя всегда одно лицо – лицо предателя. Главное – вовремя отличить это лицо»

Հիշեցնենք, որ Պեսկովը հայտարարել էր, թե «...Ուրգանտը իր մտքերի պատկերով  հայրենասեր է...»: Նրան Մեդվեդևը պատասխանում է որ «...հայրենասիրությունը  մտքերի պատկեր չէ,  գործողություն է...», ակնարկելով, որ  Ուրգանտը իր գործողությամբ հեռացել էր Ռուսաստանից և մեկնել  Իսրաել:

Սակայն դիտորդներին հետաքրքրել էր ոչ միայն նրա քննադատական խոսքերը ուղղված Պուտինի մամլո խոսնակին, այլև նրա վերջին մտքին, թե հայրենիքին կարող  են սիրել տարբեր դեմքեր, իսկ ահա դավաճանությունը հանդես է գալիս մեկ դեմքով: Ո՞ւմ նկատի ուներ Մեդվեդևը դժվար է ասել: Պարզապես մակերեսի վրա տեսանելի է, որ Կադիրով-Պեսկով հակամարտության ժամանակ ներկայիս ռուսական քաղաքական վերնախավի ճնշող մեծամասնությունը ի պաշտպանություն Կադիրովի հանդես եկավ, ինչը հավանաբար չվրիպեց Մեդվեդևի տեսադաշտից:

Սա է իրականությունը:

Արտակ Հակոբյան