Ռուս քաղաքագետ. Պուտինը շուտով վերջնագիր է ներկայացնելու Սերժ Սարգսյանին

Ռուսաստանցի հայտնի քաղաքագետ Սերգեյ Մարկովը, ով ադրբեջանական լոբբիստի համբավ ունի, Ադրբեջանում բարձր է գնահատել Պուտինի և Ալիևի վերջին հանդիպումը Սոչիում: Ըստ նրա, ռուս- ադրբեջանական հարաբերությունների բարելավմանը լուրջ հակադրվող ուժեր կան, այդ թվում նաև Ռուսաստանում, հատկապես Ռուսաստանի Արտաքին գործերի նախարարությունում: Սերգեյ Մարկովը այստեղ ակնհայտորեն ակնարկում է Լավրովի գործոնը: Ըստ Մարկովի, վերջին` Պուտին – Ալիև հանդիպումը խիստ արդյունավետ է եղել, և Պուտինը հավաստիացրել է Ալիևին, որ պատերազմից խուսափելու միակ տարբերակը դա բանակցություններն են: Ըստ Մարկովի, մոտ ժամանակներս Պուտինը հանդիպելու է Սերժ Սարգսյանի հետ, և փաստացի վերջնագիր է ներկայացնելու. կամ Ղարաբաղյան խնդրի վերաբերյալ նոր համաձայնագրի կնքում, կամ` պատերազմ:
Ինչքանով են հավաստի այս ռուս քաղաքագետի խոսքերը, դժվար է ասել: Մի կողմից Սերգեյ Մարկովը ադրբեջանական լոբբիստի համբավ ունի Ռուսաստանում և ավանդաբար պրո-ադրբեջանական դիրքերով է հանդես գալիս տարբեր տեսակի քաղաքական հարթակներում, մյուս կողմից` Սերգեյ Մարկովը Ռուսաստանի նախագահի մտերիմ շրջապատի անդամ է:
Համենայնդեպս, Պուտինի և Ալիևի վերջին հանդիպումը և Հայաստանում վերջին ժամանակներս հակառուսական արշավի նոր ալիքը հասարակ զուգադիպություն դժվար կլինի համարել:
Թե ինչպես կավարտվի այս յուրօրինակ ներվերի պատերազմը` Մոսկվա- Երևան- Բաքու եռանկյունւմ, պարզ կդառնա մոտ ժամանակաշրջանում, առաջիկա 1-2 ամիսների ընթացքում:

Հակոբ կարապետյան