Փաշինյանը Բրյուսել գնաց պարտված ու վերադարձավ պարտված, Ալիևի արհամարհական ժպիտը բավարար էր դա հասկանալու համար. Ս. Դանիելյան

Բրյուսելից վերադարձանք այն կարգավիճակով, ինչով որ գնացել էինք՝ պարտվածի կարգավիճակով։ Պարտված ղեկավարը գնացել էր հանդիպման։

«Կիզակետում Արկադի Գրիգորյանի հետ» հաղորդման ժամանակ ասել է քաղաքագետ Ստեփան Դանիելյանը։

«Ալիևի արհամարհական ժպիտը և Փաշինյանի ծամածռված դեմքը ցույց էին տալիս հոգեբանական վիճակը, թե ինչ է կատարվում Բրյուսելում»,- նշել է քաղաքագետը։

Նրա կարծիքով Ռուսաստանը որպես միջնորդ դուրս է մղվում և հայտնվել է Եվրամիությունը, որը ձգտում է Հարավային Կովկասում մոդերատորի դեր ստանձնել։

Հնարավո՞ր է արդյոք, որ Արցախը մտնի ՌԴ կազմ, կամ հաստատվի պրոտեկտորատ, հարցին Դանիելյանը պատասխանել է․ «Տարբերակ կա, որ Ռուսաստանը Արցախում գործընթացներ նախաձեռնելով՝ զգուշացնում է Ադրբեջանին, որ եթե վերջինն ակտիվանա Արցախում, ապա Մոսկվան կարող է Արցախում կիրառել հարավ-օսական սցենարը»։

Հարցազրույցն ամբողջությամբ՝ տեսանյութում․