Ինչ ուտել, ինչ չուտել. ամռանը հարկավոր է զգույշ ուտել. Վարդանուշ Պետրոսյան

Ներկայացնում ենք սննդաբան, գաստրոէնտերելոգ
Վարդանուշ Պետրոսյանի խորհուրդները ` ինչպես սննդակարգին հետևելով դիմակայել ամռան շոգին:
«Տաք եղանակին առաջինը պետք է հիշել հեղուկների ընդունման մասին, զովացնող ըմպելիքների, մասնավորապես ջրի մասին, խոսքը վերաբերվում է ոչ գունեղ, գազավորված, քաղցր ըմպելիքներին, այլ կոնկրետ ջրին: Այն պետք է խմել օրական 1կգ քաշին 28-30 մլ ջուր հաշվարկով:
Այն մարդիկ, ովքեր ունեն ավելի ուժեղ քրտնարտադրություն կամ ֆիզիկական ակտիվ աշխատանք են կատարում, կարող են նշված նորմայից ավելի շատ ջուր խմել:
Այն մարդիկ, ովքեր ունեն սիրտ անոթային խնդիրներ, մասնավորապես զարկերակային ճնշում և այտուցներ, հեղուկի նշված թիվն իջնում է անձին 1,5 լիտր հեղուկ օրական:
Ամեն դեպքում, ամռանը պետք է հիշել հեղուկների մասին ու խմել, որովհետև ջրազրկումը կլիմայական այնպիսի չոր պայմաններում, ինչպիսին օրինակ Երևանինն է, սպառնում է բոլորին, հատկապես երեխաներին:
Ինչ ուտել, ինչ չուտել շոգ ժամանակ.
Պետք է զգուշանալ սննդային թունավորումներից, խուսափել դրսում պատրաստված ուտելիքներից, հատկապես աղացած մսով, թթվասերով, սերուցքով, ձվով և նման շուտ փչացող սննդամթերից պատրաստված , ինչպես նաև խուսափել պահածոներից, չլվացված մրգերից, շուտ պատրաստված ուտելիքից, դրսում մնացած ճաշերից: Շոգ ժամանակ կարելի ուտել ընդամենը զովացնող բաներ, օրինակ մածուն, թան խմել, թեթև բանջարեղենային աղցան կամ միրգ:
Հիմնականում ուտել խորհուրդ է տրվում մինչև շոգի ընկնելը ` ժամը 12:00, 13:00, և շոգն իջնելուց հետո, ասենք ժամը 4-ից, 5-ից:
Ամռանը հարկավոր է զգույշ ուտել»:

Zham.am