Կիևի ուղղությամբ դեէսկալացիան չի նշանակում հրադադար. Մեդինսկի
Ռուսաստանի նախագահի օգնական Վլադիմիր Մեդինսկին ասել է, որ դեէսկալացիան Կիևի և Չեռնիգովի ուղղություններում չի նշանակում հրադադար։ Այս մասին նա ասել է RT հեռուստաալիքին։
Նրա խոսքով, նման միջոցներ ձեռնարկվել են, ի թիվս այլ բաների, այն պատճառով, որ Կիևում կան մարդիկ, ովքեր պետք է որոշումներ կայացնեն։
«Առաջին քայլը վերաբերում է աստիճանական ռազմական դեէսկալացիային երկու հիմնական ուղղություններով՝ Կիև և Չեռնիգով։ <…> Մենք հասկանում ենք, որ Կիևում կան մարդիկ, ովքեր պետք է որոշումներ կայացնեն, ուստի մենք չենք ցանկանում այս քաղաքը լրացուցիչ ռիսկի ենթարկել», - ասաց նա:
Ավելի վաղ Ստամբուլում ավարտվել էր ռուս-ուկրաինական բանակցությունների դեմ առ դեմ փուլը։ Աղբյուրը մանրամասնում է, որ ռուսական պատվիրակությունը Ստամբուլից կմեկնի մարտի 29-ից ոչ ուշ։
Ստամբուլում Բոսֆորի եվրոպական կողմում գտնվող Դոլմաբահչե պալատում կայացել է Ռուսաստանի և Ուկրաինայի միջև բանակցությունների նոր փուլը։ Հանդիպումը, որը փակ էր մամուլի համար, տեւել է մոտ երեք ժամ։
Ուկրաինայի հետ բանակցություններում ռուսական պատվիրակության ղեկավար, նախագահի օգնական Վլադիմիր Մեդինսկին ասել է, որ Ռուսաստանի Դաշնությունը Կիևից ստացել է գրավոր առաջարկներ, որոնք հաստատում են չեզոք և ոչ միջուկային կարգավիճակի ձգտումը։
Հետևեք մեզ Facebook-ում