Էրդողանը Ստամբուլում ընթացող ռուս-ուկրաինական բանակություններին բարձրացնելու է ԼՂ հարցը. ՏԱՍՍ

Ռուսաստանի Դաշնությունը չի բացառում, որ այսօր Ստամբուլում ընթացող ռուս-ուկրաինական բանակցությունների շրջանակներում Թուրքիայի նախագահ Ռեջեփ Թայյիփ Էրդողանը կարող է բարձրացնել Լեռնային Ղարաբաղում իրավիճակի սրման հարցը։ Այս մասին հայտնում է ՏԱՍՍ գործակալությունը՝ հղում անելով իր աղբյուրներին։

Նկատենք, որ Ադրբեջանը վերջին մի քանի օրերին կտրուկ ավելացրել է սադրանքները Լեռնային Ղարաբաղի շփման գծի հատվածներից մեկում՝ Խրամորթ և Փառուխ համայնքների ուղղությամբ։ Մարտի 24-ին ադրբեջանական զինված ուժերը, խախտելով եռակողմ հայտարարության դրույթները, մտել էին Փառուխ համայնք, ինչպես նաև զբաղեցրել ռազմավարական նշանակություն ունեցող Քարագլուխ բարձունքի որոշ հատվածներ։

Ռուս խաղաղապահների պահանջով նրանք հեռացել են Փառուխից, սակայն շարունակում են մնալ Քարագլխի վրա, որտեղից դիտարկվում է գրեթե ողջ Արցախը՝ այդ թվում և մայրաքաղաք Ստեփանակերտը։

Աղբյուր՝ 24news.am