Լեռնային Ղարաբաղի հարցը Ադրբեջանի ներքին հարցն է. Տեր-Պետրոսյանը՝ ԱՄՆ պետքարտուղարին 1992 թ.

Այսօր «Հայելի ակումբում» քաղաքագետ Էդգար Էլբակյանը մեկնաբանելով Արցախում տեղի ունեցող իրադարձությունները հիշեցրել է ՀՀ առաջին նախագահ Լևոն Տեր-Պետրոսյանի դիրքորոշումը Արցախի վերաբերյալ, որը հետագայում գաղտնազերծվել է ԱՄՆ կողմից:

«...վերջերս մի շատ լավ աշխատություն է լույս տեսել ամերիկայագետ Սուրեն Սարգսյանի կողմից: Այնտեղ ինքը ամերիկյան արխիվների գաղտնազերծված թղթերից ներկայացնում է, այսպես ասենք, հիմնադիր ազգակործան պատուհասի (Լևոն Տեր-Պետրոսյանի - խմբ.) բանակցությունները Ամերիկայի նախկին պետքարտուղար Ջեյմս Բեյքերի հետ 1992 թ. փետրվարին բառացի ասել է հետևյալը. «Հայաստանը ներկայացնում է ամերիկյան կողմին հայ ժողովրդի կրած տառապանքներն Առաջին և Երկրորդ համաշխարհային պատերազմների ժամանակ (նայեք ինքը հավասարություն է դնում Ցեղասպանության, նախ ինքը Ցեղասպանության անուն չի տալիս, Ցեղասպանության հետևանքով մահացածների ու, ասենք, սովետական բանակի կազմում կամ ֆրանսիական բանակի կազմում զենքը ձեռքին զոհված հայերի միջև, ասում է ընդհանուր տառապանք էր - Է. Էլբակյան), ու դրա արդյունքում հայ ժողովուրդը հասկացել է, որ իրա գոյատևման միակ երաշխիքը խաղաղությունն է, ու դրա համար մենք խաղաղություն ենք ուզում ոչ միայն Հայաստանում, այլև տարածաշրջանում և մենք Լեռնային Ղարաբաղը համարում ենք Ադրբեջանի ներքին հարց»»,-մեջբերեց գաղտնազերծված փաստաթղթից քաղաքագետը:

Ըստ քաղաքագետի, Արցախը հանձնելը Լևոն Տեր-Պետրոսյանի մոտ եղել է դեռ 1992 թ. փետրվարից:

Տեսանյութը դիտել՝ 29:00 րոպեից 

Zham.am