Պեսկով. Աբրամովիչը մասնակցել է Ուկրաինայի հետ բանակցությունների սկզբնական փուլին

Գործարար Ռոման Աբրամովիչը մասնակցել է Ուկրաինայի հետ բանակցությունների սկզբնական փուլին, այժմ դրանք շարունակվում են պատվիրակությունների մակարդակով, հինգշաբթի լրագրողներին ասել է ՌԴ նախագահի մամուլի քարտուղար Դմիտրի Պեսկովը, փոխանցում է ՏԱՍՍ-ը։

«Աբրամովիչն իսկապես մասնակցել է սկզբնական փուլին։ Այժմ բանակցություններն ընթանում են երկու բանակցող թիմերի՝ Ռուսաստանի եւ Ուկրաինայի միջեւ»,- ասել է Պեսկովը։

Ինչպես ավելի վաղ հայտնել էր The Wall Street Journal-ը, Ուկրաինայի նախագահ Վլադիմիր Զելենսկին ԱՄՆ առաջնորդ Ջո Բայդենի հետ իր հեռախոսազրույցից մեկի ժամանակ իբր խնդրել է նրան պատժամիջոցներ չկիրառել ռուս գործարարի դեմ։ Հրապարակման համաձայն, որը վկայակոչում է զրույցի բովանդակությանը ծանոթ մարդկանց, Զելենսկու խնդրանքը կապված է եղել նրա հետ, որ Աբրամովիչը կարող է կարեւոր միջնորդ դառնալ Ռուսաստանի հետ բանակցություններում:

Zham.am