Ուկրաինային սահմանակից ռուսական գյուղում պայթյուններ են եղել

Գիշերը մի քանի պայթյուն է տեղի ունեցել Ռուսաստանի Բելգորոդի մարզի Ժուռավլյովկա գյուղում, որը սահմանակից է Ուկրաինային։ РИА Новости գործակալության հաղորդմամբ՝ Բելգորոդի նահանգապետ Վյաչեսլավ Գլադկովը հայտնել է, որ խաղաղ բնակչության շրջանում տուժածներ չկան։ Գլադկովը նաև հայտնել է, որ առայժմ տեղեկություն չունի պայթյունների պատճառների մասին։

Նախօրեին Բելգորոդի նահանգապետը հայտնել էր, որ ուկրաինական կողմից գնդակոծության հետևանքով Ժուռավլյովկա գյուղում արկ է պայթել, որի հետևանքով 3 մարդ է վիրավորվել։ Ժուռավլյովկա և Նեխոտեևկա գյուղերում արտակարգ դրության ռեժիմ է հայտարարվել։ Իշխանությունները որոշում են կայացրել տարհանել գյուղերի բնակիչներին։

Zham.am