90–ականներին այդպես ապրել ենք, երբ գազը չլինի ի՞նչ պետք է անենք, պետք է ինչ-որ բանով տաքանանք․ Անդրանիկ Քոչարյան
ԱԺ Պաշտպանության և անվտանգության մշտական հանձնաժողովի նախագահ, ՔՊ-ական Անդրանիկ Քոչարյանը լրագրողների հետ զրույցում մեկնաբանել է իր երեկվա հայտարարությունն այն մասին, թե պետք է սովորենք ապրել փակ գազատարով։
«Դուք փոքր եք եղել, մենք 90-ականներին ապրել ենք, երբ գազը չլինի ի՞նչ պետք է անենք, պետք է ինչ-որ բանով տաքանանք։ Դա չի նշանակում, որ գազատարը չպիտի վերականգնվի, պարզ չի՞ դա։
Ես իմ հարցազրույցում ասել եմ, որ պետք է ցանկացած իրավիճակում կարողանանք ապրել, ապրելով ստեղծագործել, ստեղծագործելով միասնաբար դուրս գալ մեկ այլ մակարդակի վրա, էնքան պարզ եմ դա ասել»,-ասել է նա։
Հիշեցնենք, որ երեկվա իր հարցազրույցում Անդրանիկ Քոչարյանը խոսել էր Արցախում գազի խնդրի մասին։
«Գազ, հումանիտար խնդիր․․․ հակառակորդը փորձում է մեզ թուլացնելով նոր առաջարկներ ներկայացնել: Մենք պետք է միակամ լինենք, սովորենք գազատարը փակ վիճակում ապրել»,-ասել էր նա։
Հետևեք մեզ Facebook-ում