Սպասվու՞մ է Ուկրաինայի մասնատումը. Ըստ Լավրովի՝ Լեհաստանը, առաջարկելով խաղաղապահներ ուղարկել Ուկրաինա, կցանկանար «շտաբ-բնակարան սարքել Լվովում, իսկ հետո մնալ այնտեղ

Ուկրաինա ՆԱՏՕ-ի խաղաղապահներ ուղարկելը Հյուսիսատլանտյան դաշինքի ուժերի և Ռուսաստանի Դաշնության զինված ուժերի միջև ուղիղ բախման կհանգեցներ։ Այս մասին չորեքշաբթի հայտարարել է ՌԴ ԱԳ նախարար Սերգեյ Լավրովը՝ ելույթ ունենալով Մոսկվայի միջազգային հարաբերությունների պետական ինստիտուտում (ՄԳԻՄՕ), հայտնում է ՏԱՍՍ-ը։

Լավրովի ելույթի հիմնական թեզերը հետևյալն էին.

1. Լեհաստանը, առաջարկելով խաղաղապահներ ուղարկել Ուկրաինա, կցանկանար «շտաբ-բնակարան սարքել Լվովում, իսկ հետո մնալ այնտեղ;
   
   
2. Ռուսական և ուկրաինական պատվիրակությունների միջև բանակցությունները դժվար են ընթանում, Կիևն անընդհատ փոխում է իր դիրքորոշումը;
   
   
3. Ուկրաինայի ձեռքից բռնում են իրենց ամերիկացի գործընկերները;
   
   
4. Ուկրաինան որպես Ռուսաստանի ինքնուրույնությունը ճնշելու գործիք է ընտրվել;
   
   
5. Կասկած չկա, որ կանոններից մեկը, որը ցանկանում է կիրառել Արեւմուտքը, ցանկացած մրցակցի զսպումն է։ Հիմա ահա Ռուսաստանն է, հաջորդը հայտարարված է Չինաստանը, կամ այդ ամենը զուգահեռաբար տեղի կունենա.

Zham.am