Պուտինն ու Մակրոնն ավելի քան մեկ ժամ քննարկել են Մոսկվայի եւ Կիեւի միջեւ բանակցությունների ընթացքը
Ռուսաստանի նախագահ Վլադիմիր Պուտինը հեռախոսազրույց է ունեցել Ֆրանսիայի նախագահ Էմանուել Մակրոնի հետ՝ քննարկելու Ուկրաինայի շուրջ ստեղծված իրավիճակը, հայտնում է Կրեմլի մամուլի ծառայությունը։
«Ֆրանսիական կողմի նախաձեռնությամբ հեռախոսազրույց է տեղի ունեցել Ռուսաստանի Դաշնության նախագահ Վլադիմիր Պուտինի և Ֆրանսիայի Հանրապետության նախագահ Էմանուել Մակրոնի միջև։ Շարունակվել է մտքերի փոխանակությունը Ուկրաինայի շուրջ ստեղծված իրավիճակի շուրջ»,- ասվում է հաղորդագրության մեջ։
Նախագահների հեռախոսազրույցը տևել է 1 ժամ 10 րոպե։
Վլադիմիր Պուտինը Էմանուել Մակրոնին ասել է, որ հատուկ գործողության ընթացքում ՌԴ Զինված ուժերն անում են հնարավոր ամեն բան՝ փրկելու խաղաղ բնակիչների կյանքը՝ կազմակերպելով մարդասիրական միջանցքներ։
Բացի այդ, Պուտինը ուշադրություն է հրավիրել Ուկրաինայի անվտանգության ուժերի և ազգայնականների կողմից ամեն օր իրականացվող բազմաթիվ ռազմական հանցագործությունների վրա, մասնավորապես՝ Դոնբասի քաղաքների զանգվածային հրթիռակոծման և հրետակոծման վրա։
Հետևեք մեզ Facebook-ում