Տավուշի մարզի զարգացման ծրագրերին՝ պետբյուջեից թուլափայ

Տավուշի մարզխորհրդի մարտի 15-ի նիստnւմ հայտարարվել է, որ 2021 թ․-ին հաստատվել է Տավուշի մարզում պետական սուբվենցիայով իրականացվող 16 ծրագիր` 2,87 միլիարդ դրամ ընդհանուր արժեքով։ 2022 թվականին մարզի խոշոր չորս համայնքներից մարզպետարան է ներկայացվել 21 սուբվենցիոն հայտ` 4,7 միլիարդ դրամ ընդհանուր արժեքով, դրանք միջգերատեսչական հանձնաժողովի կողմից արժանացել են հավանության։

Ի՞նչ է ստացվում, ավելի քան 122 հազար բնակիչ, 5 քաղաք եւ 57 գյուղ , Ադրբեջանին սահմանամերձ 44 բնակավայր ունեցող Տավուշի մարզում անցյալ եւ այս տարի իրականացվելու է տարեկան մոտ 6-8,4 միլիոն դոլարին համարժեք գումարի ծրագրեր, այդ ծրագրերի գումարների մոտ կեսն էլ մարզի համայնքների ֆինանսական ներդրումն է ։

Արտերկրից ստացվող մեծ վարկերի միջոցով տարեկան 1 միլիարդ դոլարով արտաքին պարտքն ավելացնող իշխանությունը պետբյուջեի ահռելի բաժինը ծախսում է պետական ապարատի պահպանման վրա, իսկ սահմանամերձ Տավուշի մարզի զարգացմանը քիչ գումար՝ թուլաթայ է տալիս։ Հետո էլ ասում են, թե ինչո՞ւ են սահմանագոտու բնակիչներն արտագաղթում։