ՌԴ-ի հետ բանակցություններում սկսել ենք մոտենալ փոխզիջումների․ Զելենսկու գրասենյակ

Ուկրաինական ու ռուսական կողմերը Ուկրաինայի իրավիճակի վերաբերյալ շատ տարբեր էին, սակայն այժմ սկսել են մոտենալ փոխզիջումների։ Այս մասին «Украина 24» հեռուստաընկերությանը տված հարցազրույցում հայտարարել է Ուկրաինայի նախագահի գրասենյակի խորհրդական Միխայիլ Պոդոլյակը։

Այսօր կայացել են Ռուսաստանի ու Ուկրաինայի միջև բանակցությունների 4-րդ փուլը։ Այն մեկնարկել էր երեկ՝ առցանց ձևաչափով, ավելի ուշ տեխնիկական դադար էր հայտարարվել։ «Ռուսական կողմը բանակցությունների սկզբում շատ վերջնագրային էր։

Կողմերի տեսակետները շատ տարբեր էին, և մենք միայն այժմ ենք սկսել ինչ-որ փոխզիջումների գալ»,-ասել է Զելենսկու գրասենյակի ներկայացուցիչը։ Նրա խոսքով՝ բանակցությունների ընթացքում կողմերը քննարկում են Ուկրաինայի համար անվտանգության երաշխիքները։

«Մենք առաջարկել ենք այլ մոդել, որում երաշխավոր-պետություններ կլինեն, որոնք իրավաբանորեն պարտավոր կլինեն միջամտել»,-ասել է Պոդոլյակը։